Pathau mikva saong grauk ayut! Kadha urang ngak hamu caong thau harei ini, da-a mikva saong grauk ayut duah thau ka bruk raong palameh limo samar, khang kajap, pablei hu yaom. Da-a mikva saong grauk ayut tui pang:

Dahlau di abih, mikva saong grauk ayut brei palih ruah lamo raong palameh, nan lac dom drei lamo oh li-ua, tung radaih, mek ia tasau; limo la-oi, limo tano, oh ruak kik hagait.

Palih ruah limo raong palimeh brei caik hatai yau ini: pajaih limo lai samar praong jang lamo palei. Limo tano drah praong jang limo binai. Limo taha kan si lameh. Limo lavang raong drah lameh praong jang lamo lameh. Prein yawa saong rup limo, limo khang kajap, meta nyu hadah, rup vin, akok, takai tapak, hatung vin, kalik bilau njoh njac, iku tuk halei jeng megei, bilau iku atah. Dom drei limo mboh yau birau ndem blaoh angok nan njauk brei parabha tui umo, pajaih, limo binai atau tano, lavang atau limeh. Dom limo halei ruak ye brei jru iek siam ruak meng raong lameh.

Dahlau tuk ba limo tame raong palameh, mikva brei ngak hacih dom ula apui, ký sinh trùng yau ye: apui la dalam tung, giun phổi, sán lá gan…

Pandap mbang ka limo nan lac: pandap mbang that, pandap mbang ngak baoh, khoáng đa-vi lượng saong vitamin. Brei pandar veik dom pandap mbang hu dalam palei. Yau dom hareik tamuh eng, hareik pala, pandap mbang ủ mesram, dom pandap klak labaih meng ngak nong, pandap labaih meng cong nghiep yau kanduh baoh kayau, bã bia, kanduk ratak…, pandap mbang that meblah meng 55 tal 60% pandap mbang thu. Pandap mbang ngak blaoh meng 40 -45% duk saong pandap thu.

Tuk sraw  pandap mbang tinh, njauk brei hu takik di nyu meng 3 janih  tagok. Dak hu rilo janih dak siam. Dom janih nan sraw brei daok siam, thu, oh thah ia atau gol, me-ih, bimao saong oh mbau. Dahlau sraw dom janih nguyen lieu pandap mbang brei cai klik. Sraw mbiak takik pagap pandar abih, caik suai pandap mbang nyu khut.

Mikva sraw yau ini: Tuh pandap chrai klik tabiak sumu gauk di mblang atau tuh angaok bạt,  tuh janih rilo dahlau, bloh tal janih takik. Ngan saong dom janih nguyen lieu pandar takik yau sara, tapung talang, urê…brei sraw hasit tapung tangei atau haleik, sraw saong dom janih karei. Mek vaak atau sraw meng tangin tal tuk nyu sumu sambo yau gauk. Tuh pandap sraw blaoh tame kadung bloh kak kajap piah brei ka limo mbang.

          Pandap mbang sraw blaoh brei piah labik thu, lahei, hu tabung pacang, klah bimao. Piah raong palimeh, brei raong dalam var, brei mbang trei tui drei limo. Brei mbang pandap mbang that dahlau, hadei di nan brei pandap mbang tinh. Tuk birau raong brei pasram ka limo mbang pandap mbang tinh, yaok harei brei rilo jang hasit tagok. Iek trak hadom drei limo tuk camereip, yaok bilan brei teik iek limo trak piah kuhria veik pandap mbang ka nyu lagaih.

          Mikva brei caik hatai: Bhian brei ngak hacih, khử trùng var ro, labiak vin taom dar dahlau, dalam, saong hadei tuk raong palameh. Samar thau saong brei iek ruak sumu dalam tuk raong palimeh, abih di nyu lac dom ruak jaln tung bruac.

Kadha Urang ngak hamu caong thau adit ini tal ini likau padeih. Kadha ini kayua Rayo sap ndem Viet Nam pambuak saong Pasak pachreih nong pakat negar ngak.