Jak jeng di saai  Đen mai meng bruk salih bahrau jalan rong. Tui nan, saai salih meng bruk rong hàu angaok talei  cước hu kak khang sa akaok talei phao tapa kak khang angaok  bè ngak meng kreim. Meng nan, saa palao rong mbuan lagaih,  hàu samar prong song ba jien tame rilo.

Tui jalan rong  hàu di saai dui katut tuk vak rong labaih sa bilan dut song jalan rong meng kan min dok khik hu siam lagaih. Hadei di tuk saai blei hàu pajaih di 1 cơ sở daok di  Vĩnh Lương (ban sit Nha Trang) hu brei  bám angaok giá thể nắp (nắp lac  kanduk  hàu patau),  yaom labaih  200 ribau  đồng/100 nắp. Hadei di nan ba mai rong labaih 10 harei bloh tabiak talei rong nắp (nắp hu cơ cao pahong bloh). Kayua ia kaoh nan ye saai rabha yaok talei rong 4 nắp, yaok nắp atah di gauk  20cm. Talei ini atah talei daih  25cm. Hadei di 2 bilan meteh  rong, yaok talei  hàu palao rong  brei  sản lượng meng  3 - 4 kg/talei .

Ni jeng lac tuk saai Đen salih tapa rong  hàu dalam canaih katak hình chữ nhật song kích thước 40x60x20cm piah tabiak  hàu pablei. Mật độ 2 kg sa canaih hu pandar  halam meta  praong 2cm gam gah angaok canaih. Dom canaih rong jeng hu kaka talei tual angaok  bè.

Saai Đen brei thau, rong hàu oh glaih nduac pandap mbang yau hadang, ikan.  Hàu mbang  rong, tảo, mùn bã hữu cơ dalam ia, ngak hacih saat  môi trường, bo cakrok patagok samar. Piah rong  500 talei hàu, urang rong ngak  bè meng kreim   prong labaih  90m2, abih yaok pluh  triệu đồng. Dalam nan, jien ngak bè kreim meng  5 - 7 triệu, anek pajaih, talei cước kak abih  5 - 6 triệu đồng song canaih rong labaih  500 boh, yaom labaih  14 ribau  đồng/sa boh

Jeng tui saai Đen, bruk salih  hàu tapa rong dalam  canaih piah dong ka drei  hàu samar prong, oh  njauk ốp rilaow,  gam nyaik ka hàu  jruh trun mbat ia ngak khat lihik. Tuk vak rong dalam  canaih abih labaih sa bilan meteh tra jeng mek pablei hu. Min piah hàu rong hu năng suất glaong, urang rong njauk tui iek song ngak brei hacih saat talei song canaih rong. Hu thau, meng bruk rong kein lagaih nan, rilo sang pak ni hu mai mong iek song bac megru ngak tui./.