Bruk rong rui lính đen hu ba mai kein laba ka urang nong di tỉnh Bà Rịa VT 

Saai Hiếu hu rong iek  rui lính đen dalam  hỗn hợp cấy vi sinh, tui jalan pandar vi sinh piah taong lahik mbau bruk, kateik hu anek ruak jhak piah ngak jeng anek ruak hu kein ka alam môi trường.Saai pandar  chế phẩm sinh học pambuak hong saradang tabau, ia hacih song brei ấu trùng rui lính đen bahrau caih tame daok labik ini. Tuk bahrau rong, saai Hiếu nao blei boh rui lính đen meng dom trại pajaih di tỉnh An Giang mai, min tal urak ni saai eng drei thau jalan pabam pajaih  bo oh daok nao blei di gah langui.

Urak ni, trang trại rong rui lính đen di saai Hiếu prong labaih 200 m2, song yaok mbang rong labaih sa gram boh meda tabiak hu  300 kg ấu trùng dalam 12 harei.Saai Hiếu daok brei thau lac, rui lính đen diuk hu labaih sa bilan  , kuhria  meng tuk boh, ấu trùng, nhộng, puac di abih  tapaok klik jeng rui lính đen. Drei prong duik 3 - 5 harei, oh mbang menyum, duik ala halui phun kayau. Ấu trùng rui lính đen ngak tabiak sa janih oh siam ka bruk  caih boh song tuk vak caih tabiak  di dom janih rui song côn trùng karei, nan ye, ni lac anek rong hu kein ka môi trường song lac pandap mbang biak siam ka menuh ada , athur rong.

Dom janih  dinh dưỡng dalam ấu trùng rui lính đen dahlau di tuk salih ginup janih   dinh dưỡng ngak pandap mbang rong glang yau pabui, menuk ada…, saong lac pandap mbang siam di abih piah rong  ada, menuk, ikan  hadang, ging… Ấu trùng rui meda ngak gar veik cambu thu srau song dom  janih dinh dưỡng karei salih ka tapung ikan dalam ngak tabiak  pandap mbang rong glang, kaya ikan

Saai Hiếu kuhria mboh lac yaom raong ka oh tal 3.000 đồng/sa kg pandap mbang, lap jang labaih meteh  yaom 1 kg haleik công nghiệp dok tagok glong  yau urak ni. Urak ni, meng labaih 300 kg ấu trùng rui lính đen sa-ai raong dalam 12 harei,  srau song thủy phân ấu trùng rui lính đen, thủy phân ikan pagam song bã đậu hong  vi sinh, saai Hiếu meda salih abih  pandap mbang công nghiệp ka tapon ada labaih 1.400 drei  400 drei menuh  song yaok rituh drei ikan dom janih dok hu rong dalam trang trại di sang./.

Urang lang: Hanipha- 2/6