Ruak laka bhian mboh di pabe oh lac praong atau sit saong hu klau janih laka karei di gauk nan lac: laka di akaok, meda pambak tal abih rup pabhap, laka takai, tasau, calah pha, atau raong, takoi saong tangi.

Ruak hu luac thun, kayua var ro oh hacih sa-at, oh pataom mek aih pabe yaok harei.

Ruak njom mbak dalam tapon kayua taom gaok di pabe ruak saong pabe khang kadang, atau taom gaok anek ruak dalm var ro saong labik raong glang. Ruak laka bhian pambuak saong ruak katal kalik ngak ka ruak trak jang saong njauk iek ruak suai lavik. 

Ruak oh ngak brei metai min nyu ngak ka pabe suai praong, saong mbuan ba tal ruak truyền nhiễm karei. Hadei di tuk iek ruak blaoh, pabe bhian suai praong dut saong pabe oh njauk ruak laka.

Tuk Camereip mboh tamuh dom baoh sần sùi, abih di nyu lac di akaok, pabe nyu katal saong bhian kathan tame var ro, paga atau phun kayau. Dom drei pabe ruak trak jang bhian barah vil val meta saong tangi, takoi saong tada, gah dalam calah pha saong tasau. Langiu di nan daok meda hu mboh dom tal kakah, laka angaok kalik, tangi, takai, tasau saong dom labik karei. Pabe bhian kuk trun laih dom laka di takai lakuh.

Yau nan, jalan iek ruak laka yau habar?

Tuk blei pabe, mikva palih ruak dom taphon pabe khang kajap oh ruak kik hagait, kalik catang, bilau limin jangaih. Var ro raong pabe brei ngak glaong, lahei, mbuan puh ramik. Yaok harei brei puh ramik hacih var ro, pataom mek aih pabe piah u khak sinh học piah patametai anek ruak dalam aih pabe;  pruh jru var ro tui định kỳ meng jru sát trùng.

Tuk pabe ruak brei daok karei piah iek ruak tui sa dalam dom jalan yau ala ini:

Ka 1: Yaok harei luk cồn I-ốt atau xanh metylen tagok labik kalik hu laka piah pametai anek ruak saong plaih nhiem trung labik si tamuh; Luk lamek Ô-xít kẽm csaong Ketamicin tagok dom labik klik laka; klauk jru Ivermectin ala kalik ka pabe tui tacei pato hu vak di angaok ba-ar  papaok jru, brei klauk klau mbang jru, yaok mabng atah di gauk 1 adit;  Klauk jru giải độc gan, thận ka pabe; pabak ginup pandap mbang ka pabe.

Ka 2: Pandar sabon ( xà phòng) piah rao hacih kakah dahlau di tuk luk jru atau pandar ia hala mbang atau hala xoan daok lac phun sầu đông racao klik lai haong ia bloh luk tagok labik kalik laka; Pandar tabung lưu huỳnh , menyek mbang saong Amitraz 0,05%, iek ruak 2 mbang atah di gauk meng 5 tal 7 harei; Klauk jru Ivermectin klik ka pabe (Tui tacei pato di lingiu kanduh jru), klauk 3 mbang, yaok mbang atah di gauk 1 adit; Klauk jru giải độc gan, thận ka pabe; Brei pabak ginup pandap mbang ka pabe./.