Tukvak lagaih piah pala nyo:  Tui ralo urang pala nyo lavik thun, njauk pala nyo di bilan 11, bilan 12, bilan 1tui saka ia harei. Siam di abih lac pala hadei di tuk abih bilan hajan. 

 Ilamu glang iek ka phun nyo hijao mbuan mbiah:

-Ngak mejam: sa bruk njuak brei ngak ka ba hu meyah khin nyo brei baoh ye njauk pala di labik hu rilo pandiak. Kayua Yau nan ye, ngak mejam pala nyo njauk ngak di labik lahei saong hu ia harei pasang tame rilo di abih. Mejam ngak brei glaong atah di taneh meng 1met meteh tal 2 mét piah lagaih iek glang, gam mbuan paik baoh.  

 Cakak dhan ka phun nyo: Tuk phun nyo nyu sro hu 30 tal 40 cm, brei cacak caduk piah nyu rak dhar birau, siam di abih brei palih ruah meng 2 tal 3 dhar praong tamuh siam. Tuk dhar cakak mbang camereip atah hu 120cm, njauk ngak ka nyu jeng dhar  pakat 2. Tuk cakak dhar pakat 1, njauk caik veik dhar atah 40 cm.

Pruh ia:  Kayua nyo oh lac phun takre ia yau nan ye mikva brei pruh ia meng 5 tal 7 harei sa mbang. Mikva njauk caik hatai dom harei hajan brei tathuak ia ka phun nyo samar, plaih njiak bruk ia dauk ngak bruk gha saong ndon gha tagok.

 Ramik bein: mikva brei bhian ngak hareik, kuac haluk ngak brei taneh pasoh lamin, daong ka phun nyo tamuh siam.  Langiu di nan, mikva njauk pataom mek hareik, hala thu, piah bein hacih sa-at, plaih ngak labik nerak ka dom janih halak hlin nyu daok, bloh pambak ruak palai payua.

Pruh jru pametai halak halin: Tuk pala nyo mikva njuak caik hatai tal sa kadha lac, halak nyo nan biak độc yau nan ye brei pruh jru caga halak sa thun sa mbang piah plaih ruak kik ka phun jeng yau ka prein yawa di drei. Yau nan min, drei juai pruh jru tuk phun daok tabiak bingu ngak oh siam tal bruk tabiak baoh di phun nyo./.