Măng tây xanh lac phun paik jhung meda yaok harei  piah ngak njam mbang cao cấp, nan ye njauk pabak ginup aia pruh yaok harei piah phun tamuh siam.

# Lingiu di khak, aia pruh lac sa kadha ba tal năng suất ralo atau takik. Meyah taneh khang ye takik pruh aia, daok meyah taneh limin njauk pruh aia ralo mbang jang. Bilan pandiak njauk pruh aia yaok harei, khik hu độ ẩm di taneh meng 65-70% piah hu măng yamen, lamin saong năng suất, chất lượng glaong. Bilan hajan njauk caik hatai tathuak aia ka nyu siam, oh caik ka nyu dauk tapa 24 tuk, meda ngak ka akaok jung măng nyu jaoh kavong, gha phun măng soang chồi măng tamuh ruak, bruk, phun oh tabiak măng atau măng nyu trun chất lượng biak ralo oh kaoh mek hu.

# Ngan haong mblang taneh pala prong, jalan pruh njaom tapa rãnh  hu bhian ngak kayua nyu takik abih jien ndo. Tui labik saong tui bruk di urang pala, meda pruh aia tanjaoh yaok tanjaoh, pruh dalam haluk, atau pruh phun sương. Bruk pruh phun sương meda ngak brei tamuh ralo hareik, tal tuk phun tabiak măng meda ngak khut măng oh ka kaoh mek meyah oh samar me-om ndual pacang khik hala angaok akaok dom jung măng. Daok pruh rãnh meda plaih hu ralo hareik, min hadei di tuk pruh meyah gaok hajan prong ba tal dauk ngak khut dom akaok jung meda.

# Jung măng rilo meng tamuh di tuk melam. Kayua yau nan ye, oh  pruh aia ka phun măng tây xanh hadei di 17 tuk yaok harei, kayua aia pruh (atau aia hajan prong di tuk biar harei sup meyah hu) meda ngak kong kaveo akaok jung măng, ngak patrun bruk tamuh dom akaok ribung dalam melam nan, ngak brei patrun saong lahik sản lượng măng di harei hadei. Tok njauk pruh aia ka phun măng tây xanh dalam dom tuk page mesup yaok harei, hadei di tuk kaoh mek blaoh yaok harei di tuk page mesup./.