Ong Vui brei thau, makna bo ong palih ruah limo lai Brahman bhong piah raong palamek kayua ini lac pajaih limo hu rup prong, tagok kilo samar, rilo siam, bingi,  menuac urang takre blei mbang. Lingiu di nan, limo Brahman  lagaih haong langik tasik taneh riya pandiak ẩm di negar drei.

Ilamu raong limo Brahman tui jalan palamek mek hu kein laba glaong di ong Vui nan lac: palih ruah drei pajaih khang siam,  rup prong, takai glaong, bara prong, taok prong, rup atah, ka-ing tapak, tangi prong laik trun, oh hu jit ruak, abih di nyu lac ruak njaom mbak. Pandap mbang brei ka limo ralo meng lac hareik lamen saong brei mbang pabak dom janih pandap panda kaya nong karei yau phun tangei, phun patei, talei phun bei... kaoh sit blaoh srau haong haleik công nghiệp brei ka limo mbang 3 van dalam harei (page, jala pandiak saong biar harei.

Daok pandap mbang tapung brei ka limo (yau haleik công nghiệp), ong Vui oh pandar janih haleik brei ka limo mbang, bo pandar haleik asar tổng hợp janih brei ka pabui mbang.

Langyah ka jalan ngak cagar ini di drei, ong Vui brei thau: haleik brei ka limo mbang hu hàm lượng chất xơ/hàm lượng dinh dưỡng glaong jang haleik brei ka pabui mbang, piah ka nyu lagaih haong dom labik raong limo oh caga hu pandap mbang hữu cơ thô hijao. Sang ong bhian hu pandap mbang thô hijao biak ralo, nan ye bruk pandar haleik asar brei ka pabui mbang (hàm lượng dinh dưỡng glaong jang haleik brei ka limo), srau veik haong gauk brei ka limo mbang, gam daong ka limo samar tagok kilo, gam abih takik jien blei pandap mbang công nghiệp, trun yaom phun, patagok jien mek tame.

Yau nan min, tuk pandar haleik ka pabui piah brei ka limo mbang, tuk camereip brei mbang takik, bloh livik livik harei brei mbang rilo jang tui bruk tagok kilo di drei limo. Limo la-oi bahrau blei (150 - 160 kg/1 drei), yaok mbang brei mbang 1kg haleik asar janih brei ka pabui saong 20kg hareik lamen. Dahlau di tuk pablei meng 1 - 2 bilan (350 - 370 kg/1 con) meda brei mbang 4 - 5kg haleik asar janih brei ka pabui mbang saong 50kg hareik dalam harei. Njauk caik hatai tui iek bruk hấp thụ haleik janih brei ka pabui di yaok drei la-oi, piah brei mbang ka nyu lagaih.

Van ro raong limo khik hu ngin lahei di bilan pandiak, ấm ám dalam bilan la-ar, bhian puh ramik van ro haci hacih. Klauk Vacxin pacang caga ruak tụ huyết trùng saong laka cambuai tapok kakau ka limo tui njauk lịch tacei di gah thú y.

Ngan haong ruak sadah ngin di limo, ong Vui bhian iek ruak tui meng kan mboh biak siam. Jalan ngak yau ini: tuk mboh limo alah mbang, oh mameh veik, kan luai suan, hatian barah prong... Pandar sa mbaik nding ia meng nhựa, prong 2,7cm, atah labaih 1m, glaoh trun tarakon (tapa cambuai) limo, tame dalam 0,7 - 0,8m gai nding, glaoh nao glaoh mai 12 - 15 mbang yau nan, hơi chướng dalam hatian limo meda tathuak tabiak langiu. Hadei di nan mek dua củ tỏi thaok klik, lai haong 0,5 lít aia hacih tuh tame hatian (tapa cambuai) limo. Tok meng page tal biar harei ye mboh hatian limo nyu xẹp trun saong nyu mbang hu veik.

Tui jalan ngak ini, ong Vui oh lac pasiam hu ruak sadah ngin ka tapon limo di sang drei, bo daok hu daong ka ralo baoh sang raong limo karei dalam palei, dalam xã../.