# Tui bác sĩ Ngô Thị Cẩm Hoa, akaok khoa Khám saong điều trị tui hatai caong, sang iek ruak Bhap bani 115, bruk iek ruak định kỳ hu daong duah mboh samar jang rilo janih ruak yau: tagok darah, ma-ik saradang, rối loạn lipid darah, ung thư… piah hu jalan iek ruak ka nyu siam jang.

# Kayua jalan diuk rai samar drah, takik caik hatai dalam bruk pasang iek pren yava di drei bo rilo urang klaak tapa bruk sang iek pren yava định kỳ saong tok mai iek ruak tuk mboh pandik harao. Jaik abih ruak ung thư saong tim mạch di vaktu bahrau tamuh meda hu iek dit ruak; patrun takik jien iek ruak, takik tukvak saong pandik pandua ka urang ruak. Dom janih ruak di tukvak bahrau tamuh oh cang pandar jru, tok salih jalan diuk rai piah daong pacang caga atau daong dui atah vaktu jeng ruak biak biai, yau tagok saradang dalam darah vaktu njuan, rối loạn limek dalam darah atau me-ik saradang tuýp 2… oh cang pandar tal jru điều trị.

# Jeng tui bác sĩ Cẩm Hoa, pasang iek pren yava định kỳ daok lac bruk njauk ngak ngan haong dom jabat pandar urang ngak, sang bac, sang bac pato bruk ngak … ka dom manuac urang daok dalam thẩm quyền khik iek tui quy định di adat hukum piah ka dom manuac urang nan hu ginup pren yava piah ngak bruk, bac mgru. Yaok urang prong njauk nao pasang iek ruak định kỳ takik abih yaok thun sa mbang.

# Dom manuac urang njauk pasang iek ruak yaok 6 bilan sa mbang yau nyaom urang mbuan njauk ruak atau jaik yam tapa tagok huyết áp biak biai, ruak me-ik saradang min oh ka pandar jru; nyaom urang mbuan njauk ung thư glaong jang (lac urang kamei ngak amaik, adei saai kamei njauk ruak ung thư tasau), baoh sang hu rilo urang njauk ruak ung thư atau dom janih ruak pagam tal baoh sang; urang njaom viêm gan siêu vi B, C; nyaom urang mbuan hu ruak nghề nghiệp glaong yau urang ngak mỏ dhang, xưởng jik pet, hóa dầu, hóa chất, phóng xạ…; nyaom urang hu bruk ngak áp lực saong trách nhiệm glaong yau: phi công, urang peih radaih jalan atah, urang peih radaih pajeng trak...

# Daok tui bác sĩ Lê Trung Nhân, akaok khoa Khám bệnh, sang iek ruak Chợ Rẫy, bruk pasang iek pren yava định kỳ njauk ngak di labik y tế hu brei adat ngak bruk tui quy định di Hukum pasang iek saong hu ginup điều kiện. Pasang iek pren yava tổng quát hu bruk pasang iek rup babhap, pasang iek lâm sàng tổng quát, dut iek darah, dut iek aia me-ik, chẩn đoán thaot binguk, pasang iek chức năng. Hadei di nan iek tui bruk pasang iek, bác sĩ chuyên khoa brei thau ka pren yava di urang nao pasang iek saong brei pasang iek pabak chuyên khoa, ngak pabak cận lâm sàng meyah medhil lac hu ruak karei atau manuac urang hu bruk ngak đặc thù...

# Gam haong bruk pasang iek pren yava định kỳ, yaok urang jeng brei hu hatai saneng khik ramik saong khik caga pren yava rup drei meng bruk kham merat vận động, ma-in thể dục thể thao, mbang menyum saong sinh hoạt ka nyu laghaih, takik menyum alak saong njuk pakao, khik ka hatung hatain bui sambai chreih chrai… Nan lac jalan piah hu rup babhap khang kadang, jhul kadhul likuk ruak kik./.