Phun kanduik di bein ong hu rilo urang mai bac megru .

Ong Bùi Văn Năng, daok di ấp 3, xã Bình Đức, hu jaik 5ha taneh pala tabau min dom thun jaik ini, yaom tabau biar, sang ong duah thau rilo janih phun pala piah salih. Anek di ong lac sa-ai Bùi Phước Như bac tamat Đại học Kinh tế saong takre bac megru, bhian tagok mạng duah thau janih phun hagait lagaih haong bhum taneh piah pala hu kein laba. Pala iek rilo janih phun, dalam nan phun kandiuk Thái Lan hu sa-ai Như pala rilo di abih urak ini di taneh praong jaik 3ha.Phun kandiuk urak ini hu dom bein di Bến Tre pabam pajaih biak rilo tui jalan pagam dhar. Urak ini meng 3ha taneh, sa-ai Như pala jaik 3.000 phun pajaih, yaok phun pajaih yaom meng 28.000-40.000 đồng (tui phun praong atau sit). Lingiu di bruk hu urang ngak bein pabak pajaih tacei pato ilamu kỹ thuật, sa-ai Như daok tagok mạng bac megru pabak ilamu, jalan iek glang phun kandiuk di tỉnh Tây Ninh.

Urak ini phun kandiuk hu sa-ai Như pala talei ini atah talei daih 3m; pandar abih khak hữu cơ, chế phẩm sinh học piah pacang halak halin. Daok bruk pruh ia hu ngak meng jamriak tự động. Sa-ai Như brei thau: “Yaom lac phun kandiuk mbuan pala min njauk caik hatai tal khak saong jru, meyah pandar jru khik caga phun pala, bingu nyu jruh abih”. Sa-ai Như daok brei thau lac,urak ini 1,7ha phun kandiak daok hu baoh, kuhria paik di kreh bilan 11-2019 meda hu jaik 4 tấn baoh. Tuk mbang iek vụ camereip, thei jeng lac baoh bingi, rilo ralow, takik asar saong yamen laar. Vụ paik ka 2 ini, bein kandiuk di sa-ai meda mek hu veik phun jien buh tabiak tuk camereip saong meda laba hu 80 triệu đồng sa hecta.Daok dom vụ mùa patui di nan phun jien buh tabiak takik saong urang ngak nong meda hu laba rilo meyah phun hu baoh mekre, praong. Tui panuac khan di sa-ai Như, pala kandiuk takik buh khak, yaok thun 3-4 mbang min tuk phun tabiak baoh mbuan hu halak palai pajoa yau rệp sáp saong ruak thán thư angaok jhung hala meda. Kayua yau nan ye, urang pala brei tari taring pruh jru vi sinh saong bhian ravang iek bein. Meyah baoh njauk rệp sáp mbang, njauk pandar bàn chải hu bilau lamin koa, pacang baoh.

Tui panuac khan di ong Trần Văn Nữa, urang dang akaok kapul urang ngak nong xã Bình Đức, dalam xã urak ini hu jaik 30ha taneh pala kandiuk daok mboh hu siam mekre. Min ong jeng kakei urang ngak nong njauk sahneng kuhria tuk salih phun pala. Meyah pala kandiuk njauk tui jalan sản xuất hữu cơ saong hu pambuak bruk pablei tabiak. Lingiu di nan, bruk pilih ruah pajaih jeng lac bruk praong, njauk blei pajaih meng dom bein hu angan je di darak pasar piah mek hu kein laba, plaih blei pajaih oh thau meng halei mai mbuan ba tal khat lahik./.

Urang lang: Mousaphuong - 6/11