Meng puac bilan 9 thun 2020, Pasak Pachreih nong tỉnh Bến Tre pambuak saong xã Quới Điền, huyện Thạch Phú peih ngak iek bruk “ Raong pajaih, raong ikan chạch lấu pablei”. Pasak Pachreih nong tỉnh daong meteh dom ikan pajaih saong metah pandap mbang, gam haong nan daong ilamu ky thuat piah raong hu siam. Sang ong Nguyễn Văn Điền daok palei Quí Thế khang hatai tut angan tame tui raong ikan. Dahlau diah, ong  Điền raong hadang thẻ takai patih min oh hu laba, nan ye salih tapa janih raong ka lagaih saong bruk raong dalam bhum ia taba di palei drei.

Ong Điền, kuac ramik danao praong 1.200 m² saong palo 6.000 drei ikan chạch lấu. Piah ngak bruk nan, ong Điền buh jien tame ngak danao raong pajaih saong ramik veik danao raong ikan. Dalam sa mét vuông, raong 100 drei  dalam 2 bilan. Hadei di 2 bilan raong pajaih, ikan praong trak labaih 200 drei sa kilo ye brei ba tame danao raong piah pablei, saong brei raong 4 drei dalam sa met vuong.  Hadei di 8 bilan raong ikan pajaih saong raong nyu praong piah mek pablei, tuk nan ikan yaok drei  trak  250 gram.

Jeng tui ong Điền, pandap mbang ka ikan chạch lấu lac pandap cong nghiep hu độ đạm 37% tagok. Langiu di nan, urang raong meda brei pabak dom pandap mbang lac ikan tạp di palei. Pandap mbang ka ikan meng 2% tal 10% dom dreri ikan raong, tui tukvak raong saong tui ikan rilo atau takik. Yaok harei, urang raong tui iek bruk mbang pandap di ikan piah khik ka pandap mbang gap mbiah, klah ngak nerak ia dalam danao raong. Yaok harei, brei ikan mbang 2 mbang  tuk page saong biar harei.

Pandap mbang hu buh tame canaih saong caik jaik dom nding katak piah ikan tame nan daok mbang.  Bhian pasang iek danao raong, tui iek ikan praong tagok; kuhria tukvak pabak vitamin C, men tiêu hóa sraw haong pandap mbang piah ikan mbang hu mbuan ralai dalam tung saong pabak prein khang pacang hu ruak tuk salih bilan; bhian salih ia dalam danao ka hacih sa-at…Tal urak ini, danao raong di sang ong Điền tal tuk mek pablei saong tui kuhria hu jaik 1,3 tấn.

Ong Cao Văn Tùng, Akok Balai  Pachreih nong huyện Thạnh Phú brei thau: “ Urak ini, yaom ikan chạch lấu meng 250.000 đồng tal 300.000 đồng yaok kilo. Yau nan, meyah pablei hu labik pablei tani tanat, kaoh abih jien buh tame ngak yaok kilo ikan raong laba hu labaih 100.000 đồng.

Bruk raong ikan chạch lấu hu daong paglong jien mek tame saongba bruk ngak tani tanat ka urang ngak nong palei pala, rik tame ngak hu siam Danak dak ramik veik bruk ngak nong di huyen Thạnh Phú jeng yau tỉnh Bến Tre dalam tukvak anak tal./.  

Urang lang: Ai Nghiem – 5/1/2022