Raong lanung danao tauk bạt 

Raong lanung dalam bilan ia ndik hu rilo urang nong taong yaom lac hu kein laba glaong jang duk saong rilo tukvak karei dalam thun. Ini lac tukvak lanung dalam kraong ribaong mebaoh nan ye anek pajaih pabak ka manuac raong biak rilo, yaom pablei bier jang dom tukvak karei dalam thun. Taphia di nan, pandap mbang, rilo meng lac ikan, baoh bao darang mbuan duah, meng nan urang raong abih biak takik jien piah raong.

  Cak rok patagok bruk raong lanung ye bruk pilih ruah anek pajaih lac bruk praong di abih. Dalam bilan ia ndik, lanung pajaih dalam kraong ribaong hu urang pataom mek meng rilo jalan karei di gauk, yau ye: caik trúm, caik giớn saong pandar điện, hu tuk urang pandar pandap mbang hu luk jru… Min, lanung nek mek meng pandap mbang hu luk jru, meng điện ye diuk biak takik, kayua yau nan ye urang raong njauk pilih ruah dom sang pabak lanung pajaih hu angan je piah khik hu siam lanung pajaih, plaih patrun năng suất jeng yau kein laba.

Tui nai Bùi Thị Đủ (puk Long Hưng 2, phường Mỹ Thới, ban Long Xuyên), lanung pajaih mek di kraong ribaong nyu praong siam, hu prien pacang caga ruak glaong, mbuan raong saong takik ruak. Tuk blei lanung pajaih, nai Đủ oh palao chip bo caik veik meng 15-20 harei (tui prien di anek lanung). Dalam vaktu ni, urang raong oh brei ka lanung mbang, bo pilih ruah drei lanung pajaih praong nde gauk saong palao raong, tuk ni meng brei ka lanung mbang. Tui jalan ngak yau ni, lanung diuk hu biak glaong, praong samar saong samu gauk.

Hu rilo jalan raong lanung: dalam gluh atau oh hu gluh; dalam danao tauk bạt atau angaok bể xi-măng… ngak habar ka lanung daok hu lac jeng. Ong Nguyễn Hoàng Dũng (xã Bình Long, huyện Châu Phú) caik phun bạch đàn dalam bể bạt, saong me-om bạt ny-lon di gah mangaok.  Ong Dũng brei thau, yaok bể bạt praong meng 20-30m2, glaong yaok bể meng 1 mét 2 – 1 mét 3, dalam bể tuk halei jeng hu ia meng 20-30cm. Meng 9 bể raong, yaok bể ong Dũng bhian palao 10kg drei lanung pajaih (lac meng 110-120 drei/kg).  Lanung hadei meng 5-7 bilan raong meda mek pablei hu.

Langiu di pandap mbang hu dalam kraong, ribaong, ong Dũng daok pandar pandap mbang công nghiệp piah pabak ka lanung mbang. Ia hu ong bhian salih piah plaih nerak nan ye tapon lanung samar praong, takik hu jit ruak. Dalam tuk raong oh pandar dom jru kháng sinh piah ngak brei lanung tagok kilo nan ye ralaow catang bingi, siam ka prien yava mauac mbang.

Mboh lac, bruk raong lanung dalam bilan ia ndik hu rilo kein laba, abih takik phun jien, mbuan raong saong pablei biak nduac nan ye urang nong biak sanang hatai hu labik pablei. Min, urang raong njauk duah thau cambaih ilamo raong, iek glang saong khik hu ia hacih, lagaih ka lanung praong./.

Urang lang: Thu Thảo – 30/09