Bruk raong hadang thẻ 2 tuk vak dalam danao hadang praong mbuan ngak, samar mek pablei

Sang ong Hà Hoàng Sơn (xã Biển Bạch, huyện Thới Bình) hu labaih  1 ha taneh rong hadang praong. Ni lac mbang raong ka 3 sang ong raong hu siam hadang takai patih tui jalan rong 2 tuk vak: tuk vak camereip meng 20- 30 harei; tuk vak hadei palao tabiak danao rong tal tuk mek pablei. Urang raong meda ngak eng tukvak camereip, min kayua oh thau asal di nyu, oh thau hadang pajaih siam – jhak yau habar, nan ye hadang takik siam. Dalam bilan pandiak 2019 -2020, Sang ong Sơn hu Pasak pachreih nong, pachreih ngak ikan Cà Mau palih ruah ngak iek bruk rong 2 tuk vak meng dalam bilan pandiak bhang njom mbak, haong hadang pajaih di sa doanh nghiệp raong di tukvak camereip. Meng hu pajiah siam, gam hong bruk tacei pato di jabat chức năng bo yaok mbang raong meng 2 -3 bilan sang ong laba hu labaih 30 triệu đồng. Ong Hà Hoàng Sơn brei thau: “Drei palao hadang oh thau cambaih asal di nyu ye takik siam, raong oh hu hadom. Meng harei rong hadang 2 tuk vak tal urak ni mik va ginup meda jang. Ka sa lac raong hu rilo, ka dua lac samar prong. Samar prong jang hadang oh thau asal di nyu. Urang hu dut iek ka drei, hadang di drei saat ruak.”

Meng bruk raong hu di sang ong Sơn, rilo sang dalam palei jeng bac megru  ilamu rong tui. Sang saai Lê Văn Minh lac sa dalam dom sang ngak tui avar di abih.Tui saai Minh, rong hadang tui jalan 2 tuk vak brei ngak siam danao rong dahlau di tuk palao pajaih. Bruk karei tra lac urang raong pandar dom chế phẩm sinh học piah ngak pandap mbang ka hadang. Dom hadang pajaih palao rong lac hadang praong, rang hu siam. Abih di nyu nan lac, rong hadang thẻ samar prong, samar mek pablei song sang saai Lê Văn Minh jeng hu 2 mbang raong hu laba: “Mboh rong hu laba nan mk hadang palao tui. Mbang  camereip hu laba, mbang ka 2 jeng hu laba. Urak ni daok raong mbang ka 3. Mbang camereip palao 35.000 mek hu 450kg, mbang ka 2 palao  70.000 mek hu 700kg. Yaom pablei hu labaih  90 ribau đồng/sa kg.”

Dahlau di tuk jak jeng song jalan ngak ni, sang ong  Sơn, saai Minh atau rilo sang karei  di xã Biển Bạch bhian gaok kan kandah dalam bruk palao rong dang  sú tui jalan raong yau dahlau daih. Tui pasak pachreih  Nông – pachreih ikan Cà Mau, makna rong hadang dak harei dak kan si hu, lac  kayua labik raong njom nerak. Urak ni, bruk rong praong yau dahlau daih, lac palao pajaih bloh cang mek pablei lac oh dok lagaih . Urang raong brei pasiam danao raong meng raong hu siam. Abih di nyu nan lac dalam bruk rong hadang, prong di abih lac brei hu anek pajaih siam. Bruk rong hadang thẻ 2 tuk vak dalam danao hadang praong pabak hu bruk ni nan ye hu kein laba glong.Ong Mã Huy, Phó Giám đốc Pasak pachreih nông – pachreih ikan Cà Mau brei thau: “Rong hadang  2 tuk vak  pandar anek pajaih siam, tuk raong pandar khak hữu cơ piah ngak pandap mbang. Abih di nyu lac urang raong thau paglong hạ tầng, ar pacang pok glaong ye raong hu siam. Bruk ni mboh cambaih dalam bilan pandiak meng bloh, hu rilo sang oh dok drei halei. Kayua lac pandiak bhang bloh njom mbak glong. Dom sang ngak tui jalan ni dalam bilan pandiak urang mek jien tame  glong jang tuk karei.”

Bruk rong hadang thẻ 2 tuk vak dalam danao hadang praong urak ni hu rilo menuac di  huyện Thới Bình, Cà Mau ngak; kayua nyu mbuan ngak, samar mek pablei, saong jalan ngak ni dok dong ka bhap bini yam tagok jeng kaya meda./.

Urang lang: Hani Pha – 20/01