Bruk nan piah hadar veik sajarah dakrai, pok meyaom ilamo cách mạng hadah hadai di bol lin saong bhap bini  dalam negar, bol lin saong bhap bini Tây Ninh, rik tame pakhang bruk pato pakai ilamo, hatung hatian anit ranam taneh ia, hadah mbaok mata bangsa saong bruk ngak di dam dara. Tapa ini, Mbao Nhan dan hu alin brei 10 baoh sang anit ranam ka bhap bini raidiuk kan kandah saong alin 500 trieu dong ka sang bac THCS Nguyễn Thị Bé, huyện Gò Dầu.

“Harei pataom pandap mbang, pandap bingi Saigontourist Group 2024” daok peih tabiak di TPHCM ngan haong labaih 400 pandap mbang, janih ia manyum di rilo bhum, labik dalam taneh ia. Mai tal harei pataom pandap mbang ini, tuai damuai hu mbang labaih 50 janih ahar meng kan, ba drei tame bruk chreih chrei di harei pataom, dom kadha ma-in meng kan. Gam haong nan lac brei mboh veik palei ngak meng kan saong parang me-in dom janih ilamo, yau ye đờn ca tài tử, quan họ Bắc Ninh, daoh tame tablaok ta-u, tamia kara, phlieng ngũ âm Khmer, tamia xoè…

UB bhap bini tỉnh An Giang birau peih mbaok blah web dulich saong ứng dụng dulich thong minh angaok phone tangin. Ini lac takai yam camereip dalam bruk dak padang saong patagok he sinh thai dulich thong minh dalam bruk salih so di gah dulich. Tapa bruk dak padang saong pandar hu siam blah web nan, dak harei dak paglong  prein pabak bruk pandar iek dak harei dak ralo di tuai damuai, pamong tal bruk pabak ka tuai damuai dom kein lagaih, sami samar, hu pandar cong nghe birau hu mboh thaot binguk saong video clip 3600, du lịch tui jalan 3D.

Sở Lao động-Thương binh saong Xã hội tỉnh Bình Dương kuhria mboh lac 6 bilan akaok thun ini, dom doanh nghiệp caong hu labaih 25.000 - 30.000 urang ngak. Dom urang ngak pabak ka dom cty daok kurang urang ngak hadei di Tết. Yaom lac doanh nghiệp daok pilih ruah biak rilo urang ngak bruk phổ thông, min jeng brei pilih ruah dahlau dom urang hu tangin gheih ngak, umo thun meng 18 tal 40 thun. Piah daong ka dom doanh nghiệp duah hu urang ngak, Pasak jit vu bruk ngak tinh hu ba tagok khau tin pilih ruah di dom blah wed khau tin Công đoàn, Zalo, Facebook piah ka urang ngak hu thau.

Tỉnh Bà Rịa - Vũng Tàu kham merat tal thun 2030, hu ginup tanut chuan di ban pakat Negar, lac sa labik patagok hu makna praong dalam dom do thi di bhum Đông Nam bộ. Labik caga padang ban sumu tanut di đô thị ka I di Negar lac Vũng Tàu, Bà Rịa, Phú Mỹ, Long Điền, Long Hải. Bà Rịa - Vũng Tàudaok brei patagok saong ngak pasiam dom do thi ve tinh, lac bruk patagok, tacei ba saong pambak praong tal dom labik jiak taphia ban, bhum tapen tasik saong bhum palei pala ngan haong 8 đô thị janih V.

Hạ viện Indonesia bahrau brei tapa sarak karei ka Jakarta, khik labik ini daok lac pasak kinh te di taneh ia dalam tuk Indonesia daok kuhria ba ban ine tal Kalimantan. Urak ini, Jakarta jeng daok lac ban ine di Indonesia mbiah tal tuk Tổng thống ba tabiak sarak brei angan Nusantara lac ban ine bahrau. Bahrau ini, Tổng thống Joko "Jokowi" Widodo brei thau lac bruk tapa ban ine bahrau samar di abih lac di bilan 7 tal, dalam tuk daok cang ngak salah dom danak dak cơ sở hạ tầng hu makna praong.

Gah Cảnh sát Hình sự Dunya (Interpol) brei thau, kol toi pham tui kapol nyaom nyu jhul tagok bruk tamuh tabiak rilo pasak pablei salih manuac saong pachot pagat tapa mạng dalam tukvak jit praong COVID-19. Dom pasak pablei salih manuac saong pachot pagat tapa mạng  hu peih  praong meng Đông Nam Á saong patagok jeng sa talei pambuak gauk di dunya praong tal 3.000 tỷ USD yaok thun. Dalam thun 2023 labaih 100.000 urang njauk pablei tame dom pasak pachot pagat online di  Campuchia. Dalam bilan 11, Myanmar hu jao  yaok ribau urang pambuak bruk pachot pagat vien thong Trung Quốc nduac dauk brei ka Bắc Kinh.

Gah Y tế liên Mỹ hu panuac lac, châu Mỹ daok dang anak bruk mbuan rahtabiak jit ruak pandiak tabiak darah trak damak abih kuhria meng dahlau mai. Dom urang njauk ruak tagok samar dalam 3 bilan akaok thun ini, glaong jang 3 mbang dut saong tukvak ini thun blaoh. Urak ini hu labaih 4 tỷ urang, samu labaih sa mateh menuac di dunya, daok di dom bhum mbuan njauk ruak pandiak tabiak darah. Jaik abih dom urang ruak pandiak tabiak darah bhian mboh hu meng bilan 2 tal bilan 5, dom bilan puac bilan pandiak di Nam bán cầu./.