Harei 17/5 anak tal, Thành ủy, HĐND, UBND, Ủy ban MTTQ Việt Nam TPHCM meda peih bruk jak ba “Tet pala phun miat miat hadar dhar phon Wa Ho” thun 2024, pahadar 134 thun Harei menek di Chủ tịch Hồ Chí Minh, di dom quan, huyen. Bruk jak ba piah pathau khan, pambak praong makna di bruk pala phun, pala glai piah dom pakat, dom gah saong bhap bini kham merat pachreih tui; jhul khang bruk pala phun, pala glai ngak brei tagok bruk pacang halui piah daong khik alm moi truong, patrun patakik bala, tui nan lagaih haong bruk BĐKH, rik daong padang ngak TPHCM “hacih, hijao, siam ka langik tasik”.

Urak ini dalam tỉnh Bến Tre hu taneh pala la-u abih tih labaih 79.000 ha, rilo jang 1,36% duk haong tukvak ini thun blaoh. Taneh pala la-u tagok meng tuk phun ini hu brei angan lac phun công nghiệp, urang nong salih tapa pala la-u. Jalan ngak di tỉnh Bến Tre lac cakrok tani tanat taneh pala la-u tukvak 2026 – 2030 lac jaik 80.000ha. Padang bhum pala la-u praong, pambuak haong cakrok chuỗi giá trị, pandar công nghệ glaong, ngak dom janih pandap hu ilamu glaong jang meng la-u.

Palei Thái An, xã Vĩnh Hải, huyện Ninh Hải, tỉnh Ninh Thuận hu taneh pala nyo labaih 190 ha, lac sa dalam dom labik pala nyo ralo abih di Ninh Thuận. Tukvak tapa, dom bein nyo di labik ini daok duah jalan piah hu ia pruh ka dom bein nyo. Tui ong Trần Hữu Nhân - Akok Jabat Ngak nong saong Patagok Palei pala huyen, karja palei daok tui iek tani tanat langik tasik, ka hlau ia. Bruk kan kandah kayua kurang ia di 190 ha bein nyo, meda hu lang talaik hadei di thun 2024.

Yaom lac ia mbak njom tame dalam di bhum ĐBSCL min tal tukvak ini, labaih 66.000ha padai Hè thu di tỉnh Hậu Giang daok tamuh siam. Meng hu pathau khan, brei thau dahlau ka bruk ia mbak njom tame, nan ye dahlau di nan, urang nong hu ba tabiak rilo jalan ngak piah pacang caga. Langiu di ngak njauk tui bruk tam drak di tỉnh ba tabiak piah plaih ia mbak, urang nong daok cang tuk ia ndik tagok di saboh pagaiy brei njuk ia tame bak mblang hamu, khik piah ia tame dom mblang bein piah pruh ka phun padai saong rilo janih phun pala karei karei.

Jabat Cảnh sát điều tra Công an tỉnh Đồng Nai pambuak bruk haong Viện Pasang iek bhap bini tỉnh Đồng Nai brei ba tabiak piah langyah tui hukum, tui nan, brei ngak tui jalan pacang cakak chap mek kareik, oh brei nao tabiak truh labik daok ngan haong 23 urang pambuak tal bruk pablei salih labaih 200 trieu lit xăng (lac Chuyen an 920 G). Tui nan, peih bruk pasang iek labik daok saong labik ngak bruk di 6 urang pambuak tal bruk nan di Ban raya HCM, Bình Dương saong Long An, khik mek rilo drap ar, pandap nda, harak gar pambuak tal bruk ngak suan nan.

Báo The Hindu brei thau, sa mbang patuh khang di sang mac ngak pháo bingu di mbang Tamil Nadu, gah meraong Ấn Độ ngak brei 10 urang matai, 13 urang njauk rambus. Tui panuac khan di cảnh sát, tuk patuh, dom urang ngak daok ngak bruk dalam sang mac. Urak ini oh ka thau makna ngak brei patuh khang ini. Min cảnh sát medil lac dalam tuk lai hóa chất ba tal patuh. Dom mbang patuh bhian rah tabiak di dom labik pablei saong labik ngak pháo bingu di Ấn Độ, kayua iek lap bruk pacang caga khuah patuh.

Tik Tok saong kong ty amaik ByteDance di Trung Quốc hu payua đơn pathau Rajaei Mỹ ka hukum birau iew ByteDance brei mek veik phun jien tabiak truh nền tảng ba video katut, meyah oh ngak ye pakauk peih ngak di taneh ia ini. Dalam harak yak bak, TikTok lac hukum ini ngak suan Hukum Negar Mỹ; bruk ByteDance brei mek veik phun jien piah ngak bruk di Mỹ lac “ oh peih ngak hu” dalam tukvak bo hukum ba tabiak. Meyah yak bak oh janeh, TikTok meda padeih ngak bruk pak Mỹ meng harei 19 bilan 1 thun 2025.

Bilan 4 meng blaoh lac bilan pandiak thu abih di gah meraong negar Nga kuhria dalam 3 pluh thun tapa haong hajan dalam bilan 4 tok hu 25%. Dom bhum pala lúa mì gah meraong taneh ia Nga - meblah 30% sản lượng di taneh ia urak ini daok biak thu lagu. Yaom lac hu dom mbang hajan min sit oh ginup prein pasiam bruk kurang độ ẩm biak khang jeng yau pasiam bruk pala drak di akaok bilan bingu. Viện Roh duah Darak pasak ngak nong di Nga brei trun kuhria mboh dahlau sản lượng lúa mì di taneh ia ini meng 93 triệu tấn trun 91 triệu tấn saong pablei tabiak negar langiu meng 52 triệu tấn lúa mì trun 50,5 triệu tấn kayua kurang hajan./.