Pasang eik bruk peih ngak Danak dak jalan peih drah samar Cần Thơ - Cà Mau saong peih drah samar Châu Đốc - Cần Thơ - Hậu Giang - Sóc Trăng vaktu ka 1, di tỉnh Hậu Giang, Pho Thu tuong Rajaei Trần Hồng Hà caong khin dom đơn vị, bhum palei patui kham merat veik, pataom prein khang, pandap panda mac ilamo  piah jhul pasamar dom danak dak, kham merat ngak salah Danak dak puac thun piah hu jak jeng siam mekre salam uan Nyaom roya pakat negar mbang XIV di Đảng. Tui nan, hu mboh bruk jum pataom, pachreih tui di rahra lac lagaih ralo piah dom Danak dak samar ngak brei salah.

Mban Pato tacei dom Danak dak Tet Bol lin - rahra tukvak 2021 - 2025 uan Chôl Chnăm Thmây di xa Bàn Thạch, huyen Giồng Riềng. Danak dak rah tabiak meng ini tal bilan 4/2025 haong rilo bruk ngak lagaih yau: padang baoh sang “Jum pataom”; pasang iek ruak, brei jru; alin hadiah baoh sang mbang tui sarak, baoh sang kathaot, jaik kathaot…Di harei peih ngak, Mban Pato tacei daong jien padang 58 baoh sang jum pataom ka xa Bàn Thạch, yaok baoh sang hu yaom 50 trieu dong saong brei 10 paok jien alin hadiah ka anek saih bangsa Khmer kathaot.

UBND tỉnh Bà Rịa - Vũng Tàu mbaoh harak brei daong 10 bruk pandar mac jamraih ngak nong saong pandar ilamo kong nghe hadei tuk yuak thun ini kuhria tui jien peih ngak abih jaik 7,4 tỷ đồng. Cambaic laic hu daong ka dom bruk pandar mac jamraih, ngak tabiak pandap OCOP, pandar kong nghe glong ba tame ngak mbang pala dom janih phun hu laba glong yau: caphe, ca cao, bei ngak tapung, phun mbang baoh, ngak ia mesir…

Tinh Ca Mau bahrau peih ngak padang inem mek sajarah jayah Đầm Dơi - Cái Nước - Chà Là hu yaom jaik 100 ty dong. Ong Nguyễn Minh Luân - Phaok akaok Uy mban Bhap bini tinh Ca Mau brei thau, jayah Cái Nước - Đầm Dơi saong labik Chà Là harei 23/11/1963 lac mbang mesruh metiak praong prang di mblang kalin Tây Nam Bộ, daong pasiam veik hatai je tame jalan cach mang, jalan mesruh metiak di Ndang. Bruk padang inem mek ini daong patagok yaom glaong sajarah, ilamo, jalan cach mang dalam rahra Gah Meraong negar ka rai menuac urak ini haong rai hadei.

Urak ini, dom sang iek ruak uranaih di TPHCM mboh hu rilo uranaih tame iek ruak pandiak tabiak drah…Di Sang iek ruak Nhi dong 1, sa bilan jiak ini, kuhria rah tapa m yaok harei taduan hu 5 urang ribau ruak, pandik ralo labik dalam rup, abih di  nyu lac baoh gan. Di Sang iek ruak Nhiệt Đới, dalam bilan 10  hu jaik 400 urang ruak, glong abih kuhria meng akok thun tal ini. Dom bac si kuhria mboh urang ruak  meda tagok dalam dua adit anak. Kuhria meng kaok thun tal ini, dalam ban hu labaih 11.200 mbang urang pandiak tabiak darah.  (VOV) 

Mentri Pablei salih Thai Lan hu ba tabiak jalan langyah bruk pandap panda yaom lap, oh siam meng negar langiu tame taneh ia ini. Dom bruk pasang iek catang ngan haong dom pandap panda yaom lap, oh siam meng negar langiu hu neh rabha jeng klau kapul dalam nan hu gah ngak nong, gah pandar saong gah ngak kong. Jalan ngak ini caong takre hu pacang cakak rilo pandap panda oh siam hu pablei online, ngak kan kandah tal urang blei pandar saong dom gah ngak mbang pablei salih gap mbiak saong sit dalam taneh ia.

Tổng thống Philippines pachreih dom jabat rajaei palaik njiak dom var mbang Giáng sinh abih ralo jien “piah pataom haong yaok trieu manuac” daok gaok dom ribuk jiak ini. Panuac iew nan brei jum pataom haong yaok trieu urang Philippines daok pandik harao kayua gauk gar metai lahik, lahik sang danaok saong bruk ngak  mbang  kayua oh bak sa bilan min tal 6 mbang ribuk tuh tame. Tui sanya rajaei pataom tame padang veik dom baoh sang  saong dom labik duh ka bhap bini.

Ban ine New Delhi, Ấn Độ brei pandar dom bruk ngak pacang njom nerak samar chip tuk taka so yava langik lac 485 dalam page 18-11. Ini lac taka so hu neh rabha lac “biak praong prang”, ngak kanjak jhak tal prein yava. Langiu di nan, nồng độ janih ngak njom nerak PM2.5 pambak tame darah tapa phổi hu taduan mboh di tanut glaong tagok 57 mbang tanut brei glaong abih. Pasak Pasang iek yava langik di Ấn Độ hu ngak jalan ngak catang dalam nan hu 8 bruk piah patakik bruk njom nerak saong pasang iek prein yava bhap bini.