Page ini 18/11, Sở Pato megru TPHCM peih bruk Pahadar 42 thun Harei Gru pato Viet Nam. Brei panuac di var nan, ong Nguyễn Văn Hiếu, Yam ndoc Sở Pato megru TPHCM khan lac, ini lac piah urang gru pato thau dalam jang ka bruk ngak di drei, oh padeih kham merat pasram patia, jalan diukrai, iek praong bruk ngak, ngak siam gheih bruk daok dang saong bac da-a ka bruk pato bac piah ngak siam bruk ngak di drei. Var nan, TPHCM meyaom 14 gru pato bac mek hu angan Gru pato naih gheih saong 50 urang jakar  khik iek, urang gru taduan  hu Yai thuong Võ Trường Toản thun 2024.

525 labik daok di rahrah tinh Hau Giang peih ngak yau gauk Harei roya Jum pataom dalam bangsa, pahadar 94 thun Harei padang Mat tran Negar Viet Nam. Di palei So Đũa Lớn, xa Thạnh Xuân, huyen Châu Thành A, harei roya rah tabiak dalam bui sambai, chreih chrai. Dalam thun ini dom bruk ngak hu siam, raidiuk rahra dak harei dak salih birau. Dalam bruk ngak ka bruk daok dang mbang ngui di rahra, palei jak ba hu 1,5 tấn brah, 125 paok pandap alin hadiah ka rahra saong 350 blah siphau ka anek saih sang kathaot; ba tabiak phun jien labaih 150 trieu dong ka rahra mesraiy piah ngak mbang.

Kuhria tal kreh bilan 10 meng blaoh, jien pablei ikan pra labaih 1,5 tỷ USD, tagok jiak 9% dut saong tukvak ini thun dahlau. Tui kuhria, tal puac thun ini ikan pra di Viet Nam pablei tabiak negar langiu labaih 2 tỷ USD. Thun ini pandap ngak meng ikan pra dang anak rilo kan kandah tuk pandap panda blei tame ngak tagok glong. Yau nan min, meng kham merat di dom daonh nghiep, hiep hoi pandap ikan pra mek hu rilo jak jeng. Ikan pra  hu raong ralo di Bhum taneran kraong Cuu Long, ralo abih di dom tỉnh An Giang, Đồng Tháp saong ban Cần Thơ.

Dom po bein pala durian di tinh Tien Giang daok srap gap paik durian karei bilan, min rilo bein daok mbuan lahik abih kayua biak takik baoh, gaok mai oh hu baoh. Di xa Mỹ Lợi A, huyen Cái Bè, dalam labaih 1.200ha taneh durian, hu tal 70% bein ngak brei durian tabiak baoh karei bilan min mek hu tok labaih 30 - 40%. Ong Phan Văn Thành, phaok Jabat Ngak nong saong Patagok palei pala huyen Cái Bè jeng brei thau, dalam huyen hu jaik 70% taneh pala durian karei bilan min oh lagaih, kayua hajan tathaiy suai rilo harei, bamao ruak. Durian karei bilan bhian hu yaom glaong nan rilo po bein buh jien tame oh huac khat lahik.

Sở Ilamo - The thao saong Dulich tỉnh An Giang birau peih 2 tal pato alat ragam ngũ âm ka urang bangsa Khmer. Dalam tukvak 45 harei, urang bac hu dom nghe nhan  pato ilamo  alat ragam ngũ âm, ma-in yaok alat ragam saong ma-in pambuak alat ragam ngak jeng yawa gheih mbuan tame dalam hatai baoh di urang. Ini lac bruk ngak di Danak dak pakat negar patagok kinh te -xa hoi bhum urang bangsa takik saong bhum ceik.

Page ini (18/11), di ban ine Vientiane, Lào hu rah tabiak pakak mbang nyaom biai ka 8 Quoc hoi mbang 9. Quoc hoi Lào hu pasang iek saong brei tapa bruk khan brei thau di Thu tuong Rajaei ka jalan ngak patagok kinh te – xa hoi, jalan ngak kadung jien thun 2024 saong 2025. Dom urang jakar pataom tame ndom biai ka jalan langyah pasiam veik gah kinh te pagam haong Danak dak negar ka langyah kan kandah kinh te – jien padai. Ini hu maong lac sa mbang nyaom biai hu makna ngan haong Lào dahlau tuk yam tame thun puac abih peih ngak jalan patagok kinh te 5 thun mbang ka 9 (2021-2025).

Harak pathau khan birau abih ka bruk langik tasik dunya di Gah langik tasik dunya brei mboh, 10 thun tapa lac pluh thun pandiak abih meng lavik mai. Dom urang ilamo gah langik tasik khan lac pandiak angaok dunya tagok 1,3độ C dut saong tanut kuhria rah tapa dahlau bruk kong nghiep. Dunya daok dang anak padiak di mbaok ia tasik oh ka bhian mboh, ia khan ralai glong ralo, tua riya saong ia sua. Dalam bilan 10, pandiak kuhria rah tapa di châu Âu glong 10,83°C, glong jang 1,23°C dut haong pandiak meng thun 1991 – 2020.

Hu jaik 3 dalam 4 urang praong di Mỹ labaih kilo atau lamek, bruk ini tagok khang dut saong tanut 50% hu taduan dalam thun 1990. Ini lac bruk kuhria mboh meng danak dak roh duah bahrau di dom urang ngak khoa hoc Mỹ ba tabiak. Dom urang roh duah hu taduan mboh bruk dalah kilo atau lamek bhi dak harei dak hu mboh di urang sit thun umo, meyah oh hu pacang cakak khang, dom urang dalah kilo saong lamek bhi di Mỹ kuhria lac daok tagok veik, tagok tal jaik 260 trieu urang dalam thun 2050.