Pahadar 94 thun Harei padang Mat tran Negar Viet Nam (18/11/1930 - 18/11/2024), Tổng Bí thư Tô Lâm hu mbaok di Harei roya Jum pataom taong abih bangsa haong biak ralo bhap bini rahra xã Đất Mũi, huyện Ngọc Hiển, tỉnh Cà Mau. Ndem meyai haong ralo mikva bhap bini, Tổng Bí thư Tô Lâm payua panuac caong khin prein yawa khang kadang saong salam roya jum pataom tal mikva nan lac dom urang  diukrai di bhum taneh gah Meraong Negar. Tổng Bí thư caong khin, urang ngak praong di tỉnh sangka kuhria pein ngak Harei roya jum pataom taong abih bangsa di dom bhum palei, tui nan pachreih, jak ba bhap bini anit ranam taneh ia, pambuak kajap hatai ranam puk paga palei negar,  patagok preih khang di bhap bini.

Hu mbaok harei roya jum pataom bangsa  di Khu pho 10 saong 11, phường An Phú Đông, Quận 12, Uy vien Mentri Chính trị, Bí thư Thành ủy TP.HCM Nguyễn Văn Nên lac, ini lac piah mikva dalam xã, palei, khu pho taom mbaok, ndem meyai nao mai bui sambai haong gauk saong maong eik veik dom bruk ngak hu blaoh jeng yau ba tabiak jalan ngak anak tal. Bí thư Thành ủy TPHCM caong khin dom pakat karja brei iek prang bruk jum  pataom bangsa, abih gauk daong prein padang ngak labik daok bhap bini siam mekre, raidiuk tapa truh kathaot hu khang kajap.

Daok labaih 2 bilan tra tal Tet thu nasak Lanaih 2025, Mentri LĐ,TB saong XH caong khin dom sở  LĐTB-XH dalam negar tui iek bruk jien bilan, jien thuong Tet Nguyen ndan ka urang ngak. Dalam nan caong, dom sở njauk brei pambuak mban khik iek KCN, bhum kinh te saong lien ndoan urang ngak kong di dom bhum palei piah thau bruk ngak mbang pala drak, pablei salih, meng nan peih ngak dom jalan khik kein laba ka urang ngak. Dom tinh kuhria iek bruk tavak jien bilan thun ini saong bruk brei jien thuong thun 2025, abih di nyu pataom tame ngak brei raidiuk tani tanat, sumu yau gauk.

Harei nyaom pataom Ikan pra tỉnh Đồng Tháp birau tamat, hu mbaok di ralo bhum palei raong, ngak tabiak pandap meng ikan pra di ĐBSCL saong dom doanh nghiep pablei salih  pandap ini. Urak ini hu rilo labik ngak ikan pra kuhria abih tih labaih 1 trieu 5 tấn ikan tamo yaok thun saong jaik abih di bhum ĐBSCL. Dom labik nan hu pandar mac moc jamraih saong ilamo birau tame ngak pandap piah pablei tabiak negar langiu.

Gah Meraong negar njauk tame salih bilan, abih hangin Meraong, daok anak bruk langik  La Nina thun ini cadu jang duk saong kuhria mboh saong suai mai tal. Tui dom urang ilamo gah langik tasik, meg harei 20 tal 29 bilan 11 ini, bhum taneh Tây Nguyên saong gah Meraong negar langik pandiak catang, abih di nyu lac di bhum ĐNB, pandiak meng 34-36 độ C. Hangin la-ar abih samar ba tal bhum ĐNB pandiak mai aval saong catang jang mbuan ba tal bhang tua  riya, apui khuah.

Bruk pan to klauk 8 urang metai saong 17 urang njauk rambuac  di biar harei 16/11 di ban Vô Tích, tỉnh Giang Tô di Trung Quốc. Urang nan lac likei umo 21 thun chap hu di sa labik pato bruk ngak. Canh sat khan lac urang likei ini hu bac di labik pato bruk ngak. Tui duah thau camereip, urang nan pandiak hatai kayua oh taduan hu harak bằng tamat bac. Langiu di nan, cảnh sát lac urang likei ini yak bak ndok jien daong tui pasram megru.

Bangladesh daok dang anak bruk tamuh ruak SXH – pandiak tabiak darah  ngak jhak abih kuhria meng dom thun tapa. Urak ini hu labaih 400 urang metai saong jaik 80 ribau urang ruak ba tame sang iek ruak kayua trak kayua ruak pandiak tabiak darah. Dom urang ilamo mboh lac, langik pandiak glong gam hangin har dui atah  ba tal rilo manuac ruak, dom labik iek ruak ngak bruk tapa prein.

Labaih 75.000 rahra tỉnh Punjab, bhum taneh gah Timur Pakistan nao iek ruak di dom labik y te, ruak jalan suan yawa kayua taginum jhak saong nerak. Rayo pathau khan bhum palei  khan lac dom sang iek ruak  ngak bruk tapa prein. Piah caga bruk nan, karja palei hu khan kakei chip  ka bruk y te, brei ngak tui dom jalan pacang caga dalam 2 adit piah dut iek thak dhur mur nyom nerak./.