Dalam dom bilan jaik ini, ruak sởi daok parilo tagok di dom bhum palei. Piah pacang caga ruak, oh caik ruak sởi nyom mbak, tamuh pambak praong, Thủ tướng Phạm Minh Chính hu harak iew dom mentri, jabat pambuak tal saong bhum palei pakhang bruk pacang caga ruak sởi. Dalam nan, dom bhum palei samar peih bruk klauk jru vaccine caga ruak sởi ka dom kapol urang. Pathau khan, jak ba bhap bini brei peih ngak dom jalan pacang caga ruak sởi saong ba uranaih nao klauk jru ka ginup, njauk tukvak; tacei pato bhap bini mboh dreih yau njom ruak ba mai labik y te.

Page ini (16/11), Mbang abih tih Nyaom biai Peih mbang ngui Bhum taneran kraong Cuu Long - Mbang II thun 2024 peih pakak di tinh Dong Thap. Mbang nyaom biai ini ngak jeng sa bruk salih drei hu yaom glaong, brei mboh bruk mbeik drei piah Dong Thap haong dom tinh, ban bhum taneran kraong Cuu Long hu pambuak haong gauk biak khang kajap jang, ba gauk padang bruk daong gauk ngak, ndom biai bruk karja – di urang gah langiu hu siam lagaih pagam salih bahrau hadah krah, patagok bruk hu rilo bhum, samar ba mai siam lagaih dalam patagok kinh te - xa hoi khang kajap, rik daong, patagok doanh nghiep saong ramik kinh te hijao di bhum taneran kraong Cuu Long.

 UBND huyện Cái Bè, tỉnh Tiền Giang khan brei thau, urak ini darak angaok kraong Cái Bè oh daok, dom urang ngak mbang angaok kraong rilo thun pablei salih  di labik ini salih tapa ngak bruk ngak karei. Di labik hu darak pasar angaok kraong urak ini oh daok ghe kapal pataok tame ralo yau dahlau diah. Danak dak “Khik ramik saong patagok darak angaok kraong Cái Bè”, dahlau diah huyen hu peih ngak min oh kein lagaih. Darak angaok kraong Cái Bè di canah klau kraong, labik kreh karaong Tiền saong kraong Cái Bè, hu meng labaih puac dom thun 80 di abap XVII.

Meng akaok thun tal ini, tinh Ben Tre khik tani tanat bruk raong jalako pasang   iek halak akaok juk di 9 labik, gam haong nan palao jaik 200 trieu darko piah pacang halak akaok juk mbang phun li-u. Meng nan, tal ini, oh hu bein li-u halei bahrau gaok khat lahik kayua halak akaok juk, bein phun li-u pasiam veik dak harei dak rilo. Dom bein phun li-u gaok halak juk hu ngak dom bruk pacang cakak urak ini hu mboh pasiam veik siam; dom bein phun gaok halak akaok juk daok veik njom mbak suai, bein phun gaok halak akaok juk trak hu takik jang.

Hoi thánh Cao Đài Tòa thánh Tây Ninh birau peih bruk pahadar 100 thun harei peih taneh Đại đạo Tam kỳ Phổ độ. Di var nan, Akok Ban Agama Rajaei Vũ Hoài Bắc brei mboh, hadei 100 thun tabiak rai, Cao Đài Tòa thánh Tây Ninh oh padeih pakhang, patagok saong khang kadang, patui patagok jalan pambuak haong bangsa. Abih di nyu dalam tukvak tapa jit ruak COVID-19 tapa, Hội thánh Cao Đài Tòa thánh Tây Ninh hu kham merat jak ba, urang agama hu bruk pacang caga njauk lagaih, brei mboh bruk ngak ngan haong taneh ia, haong bhap bini.

Adat Xaybath lac sa dalam dom adat aguma hu yaom glaong dalam harei Thatluang – harei roya praong abih dalam thun di urang Lào, hu padang ngak dalam harei Po Rami bilan 12 tui saka Bhat. Ini lac sa dalam dom adat biak ginreih praong glaong ngan haong rahra bhum palei saong lac sa adat meng kal rah tabiak dalam ilamo aguma Bhat negar Lào, dalam nan hu harei roya Thatluang. Ini lac bruk piah Lào jhul khang gah yulit tapa bruk yaih khan dom siam gheih ilamo jeng yau hatai jum pataom di rahra Lào haong tuai danuai. 

Daok labaih sa bilan tra tal Noel - Giáng sinh, Sang pato ngak ong taha Noel chuyen nghiep di Anh kayua kong ty ma-in sambai FeeJee Mermaid hu peih tabiak piah pabak  pandap panda saong ilamu njauk piah urang bac hu jang “Ong taha Noel biak bai” abih. Thun ini, urang tut angan bac ngak ong taha Noel  tagaok labaih 20%, dut saong yaok thun. Sa dalam dom bruk bo urang bac brei caik hatai, lac juai tangi uranaih khin takre hagait, kayua dom caong khin uranaih hu tavak harak thư dahlau di nan paje.

Tui roh duah di kong ti langyah Bain, bilik di Mỹ, bruk pablei hu pandap chiet jien dalam dunya hu kuhria mboh lac hu mbang akaok meti trun bruk pablei hu dalam thun 2025, kuhria meng di mbang Kurang praong. Dalam nan bruk pablei pandap chiet jien dalam dunya kuhria hu trun 2% dut haong thun ini, kayua dom gah ngak pandap tagok yaom khang saong bruk oh tani tanat dalam dunya. Dalam harei hadei meda jhak jang tuk Tong thong Donald Trump hu pagun sanya tagok jien je ngan haong pandap blei tame.