UBND TPHCM ba tabiak bruk peih mbang pakacah kham merat ngak salah danak dak jalan Vành đai 3 TP.HCM, piah pachreih mbang pakacah tabung glong “500 harei melam pakacah gauk ngak salah 3.000 km jalan peih drah samar” kayua Thu tuong Rajaei peih ngak. Mbang pakacah tabung glong hu peih ngak meng ini tal puac thun 2025, kuhria labaih 400 harei melam. Piah peih ngak hu siam danak dak UBND TPHCM caong khin jhul pakhang bruk salih birau harak gal hanh chinh, brei palagaih, pasiam veik bruk ngak kan bhap bini saong patrun jien buh tame ka dom urang buh jien tame ngak. Ngak brei cambiac laic, khaw tin piah dom pakat hu tham quyen saong bhap bini hu mbaok tame tui iek, peih ngak siam bruk pacang caga, mbang jien padai, palai pajua dalam peih ngak danak dak.

Hậu Giang lac tỉnh nao dahlau dalam bruk padang ngak binek padang ia taba, takik ngak jhak kayua ia mbak di bhum ĐBSCL. Dom binek ia taba yaom 183 ty dong ramik ba tame ngak brei ia pandar  ka yaok ribau baoh sang. Tui ong Ngô Minh Long, Yam ndoc So Ngak nong saong Patagok palei tỉnh, kayua ia mbak rah tabiak kan thau dahlau yau Hậu Giang brei padang binek ia taba piah caga ia tasik tagok saong njom ia mbak, gam pabak halau ia ka dom sang mac hlang ia hacih dalam tỉnh.

Hadei sa thun  raong tui jalan hadang - glai hu 375 baoh sang di Cà Mau hu brei harak chung nhan ASC, ngan haong taneh praong 1.860 ha. Tui ong Võ Minh Hổ, Pho akok  UBND xã Tân Ân Tây, huyện Ngọc Hiển, bruk nan rik tame paglong jalan sahaneng di bhap bini dalam bruk khik iek glai saong alam moi truong. Tui nan, urang raong hadang thau jalan ba tame ngak, ngak hu chuoi pambuak kaya nong meng bruk ngak tabiak tal bruk pablei gam raong dom janih kaya karei dalam ia piah paglong jien mek tame.

Tui So Pato megru tỉnh Bình Thuan, thun 2024 -2025, Bình Thuận hu 4 bhum palei patui peih tal pato bac akhar huroh Cam pakat tieu hoc, nan lac dom huyen Tuy Phong, Bắc Bình, Hàm Thuận Bắc saong Hàm Tân. Dalam na hu 12 sang bac tieu hoc, meng tal 1 tal 5 hu bac akhar Cam. Bruk pato saong bac akhar Cam dalam sang bac hu bruk njauk hatai biak ralo halau jeng yau maik ame anek saih. Langiu di nan, khik ramik sap ndem panuac pauac saong vak akhar Cam, pato akhar Cam daong biak ralo bruk pato sap Viet.

So Ilamo - Padhih saong Yulit tỉnh An Giang pambuak haong Jabat Ilamo – Khaw tin huyện Tri Tôn peih 2 tal pato ilamo sarak akhar di hala gal  ka urang bangsa Khmer di huyen Tri Ton. Dalam tukvak 45 harei, dom ong acar ong bhik  hu nghe nhan pato pasram vak akhar di hala gal; palih ruah,pambu thu, ngak hala saong ngak tapung jhuk piah luh tagok  akhar  saong khik piah gal bac hu suai lavik, klak moh mbang. Ilamo sarak akhar tagok hala gal  di urang Khmer An Giang lac sa ilamo bhap bini, ndung bak ilamo di bhap bini dalam nan hu kinh Phat.

Rajaei Australia pok hukum tagok Quoc hoi, piah pakauk uranaih umo ala 16 thun pandar MXH, tui nan ba tabiak jien taong bhat tagok jaik 50 trieu dola Australia (sumu 32 triệu đô la Mỹ) ngan haong MXH suan hukum. Dahlau di nan, dom taneh ia karei jeng khan lac brei uranaih takik pandar MXH tapa hukum, min sarak di Australia hu iek lac sa dalam dom sarak pakauk trak abih.

Bruk lam phat hu “caga tani tanat” yaom lac jien cai pandar di Anh lac bruk kan kandah di dom baoh sang jien mek tame gap mbiah. Urak ini, Rajaei Công đảng urak ini daok ngak brei salih bruk “kinh te sraw kadau”, ngak having akaok di jaman Bảo thủ dahlau diah. Bruk lam phat di Anh tagok, bruk kham mek hu 2% bo Gilang Negar Anh ba tabiak.  Bruk yaom kaom tagok samar, khin Gilang negar Anh brei kuhria  tani tanat cakak jien laba.

Philippines saong Indonesia ginum biai hu njauk gauk piah ba sa urang guk matuy  Philippines mai taneh ia hadei dui atah 14 thun tapa. Urang guk njauk duis pametai kayua pablei salih matuy hu pajeng ba mai tal Philippines ngan haong lac urang guk. Njauk chap daok guk thun 2010 kayua pablei salih matuy saong njauk chap mek pametai, bruk di Mary Jane Veloso lac sa bruk dui atah saong kan kandah. Caong khin brei peih palao anai di thun 2014 saong njauk Tổng thống Indonesia atah klak./.