Tui harak dak angan Chỉ số Xanh pakat tỉnh (PGI) thun 2023, Đồng Nai dang dhi 3 hadei Quảng Ninh saong Đà Nẵng. Tapa nan brei mboh bruk kham merat di tỉnh dalm peih ngak sarak palih ruah dahlau danak dak buh jien tame ngak hu pandar ilamu kong nghe glong, siam ka alam moi truong; dak harei dak salih bruk ngak KCN tapa bruk ngak hijao, sinh thái; salih birau bruk patagok saong brei sumu gauk bruk cak rok patahok kinh te hoang alam moi truong; tui bruk cak rok patagok kinh te hijao, kinh te tuan hoan tui jalan Net- Zero.

Danak dak khik ramik kayua Danak dak Patagok Liên Hợp Quốc di Việt Nam taong yaom bruk njauk hatai di rahra brei ka bruk ngak di rajaei pakat TW saong tinh ban dalam khik ramik, hành chính công saong pabak dịch vụ công (PAPI) hu dak TP.Hồ Chí Minh lac ban njauk daok abih di Việt Nam. Dalam nan langik tasik bingi daok, anek menuac siam hatung hatian saong lac bhum kinh tế sami samar abih dalam taneh ia, TP.HCM lac labik hu menuac daok rilo abih di Việt Nam. Menuac di TP.HCM tui kuhria thun 2010 hu 5 triệu urang, min di thun 2023 hu labaih 9 triệu menuac. 

UB MTTQ Viet Nam huyen Tân Châu, tỉnh Tây Ninh pambuak haong Gilang pariak thương mại cổ phần Quan doi peih bruk jao brei 6 baoh sang jum pataom ka dom sang urang kan oh ka hu sang daok. Dom baoh sang hu alin brei praong meng 40 m2 tagok, yaom yaok baoh sang labaih 90 trieu dong. Jien daong padang ngak meng kadung jien daong urang kan di huyen yaok baoh sang 40 trieu dong, Quân đoàn 4 jak ba Gilang pariak thương mại cổ phần Quân đội dhar Tân Châu daong jien yaok baoh sang 50 trieu dong.

Di tỉnh Trà Vinh, dalam bilan mek pablei ring tasik raong camereip abih di thun ini, yaom ring ralow hu urang blei salih mai blei yaom meng 250.000-350.000 đồng/kg, mikva urang raong ring laba hu meng 150-160 triệu đồng/ha/vụ. Rilo thun ini mai, ring tasik jeng janih raong praong di rilo urang ngak nong oh hu taneh piah raong hadang thâm canh pandar ilamu công nghệ glaong. Tui Sở Ngak nong saong Patagok palei pala tỉnh Trà Vinh, meng akaok thun tal ini, urang nong daok di dom bhum tapen tasik hu palao raong labaih 70 triệu drei ring tasik pajaih, mbaok taneh raong labaih 13.100ha. Dom ring tasik mbang palao raong camereip dalam thun tal urak ini mek pablei hu 1.735 tấn.

Bilan padai đông xuân 2023 - 2024, Tập đoàn Lộc Trời blei padai di mikva urang nong tỉnh An Giang abih tih jaik 440 tỷ đồng. Kuhria tal harei 9/5, Tập đoàn Lộc Trời daok tavak veik urang ngak nong jaik 160 tỷ đồng. Bruk suai bayar jien tavak ngak ka urang ngak nong gaok rilo kan kandah dalam bruk pala vụ birau saong jien mbang cai yaok harei; abih di nyu lac dom baoh sang urang nao pah taneh. Anak bruk Tập đoàn Lộc Trời tavak jien blei padai di urang ngak nong An Giang, Sở Ngak nong saong patagok palei tỉnh iew doanh nghiep samar ngak njauk dom sanya haong urang nong, piah ngak jeng bruk njauk gauk, sa hatung hatai haong gauk.

Hãng thông tấn Sputnik di Nga brei thau lac Tổng thống Nga Vladimir Putin hu pok ong Mikhail Mishustin sa mbang tra ngak Thủ tướng Nga, pan akaok rajaei Nga dalam nhiệm kỳ bahrau ini. Bruk ong Mishustin hu pok ngak Thủ tướng oh lac bruk kan thau kayua ong pan akaok ba jalan rajaei hu jak jeng, ngak brei kinh tế Nga tagok siam, yaom lac hu bruk mesruh gauk haong Ucraina saong dom jalan taong phạt di phương Tây.

Rajaei Brazil sanya brei buh tabiak 10 tỷ USD piah ramik pasiam bhum ia sua palai tayah di bhum Meraong negar ini. Mbiah tal ini, daok 134 urang lahik saong jaik 1,7 trieu urang gaok kan kandah kayua ia dauk ia sua, bala kayua langik tasik bo rajaei saong gah ilamu mboh lac hu pambuak tal BĐKH. Gah daong duah urang gaok bala brei pandar gilai piah pajeng ba di dom labik ia dauk yau kraong piah duah menuac daok gar dalam dom sang glong rilo tal. Bala jeng ngak khut labaih 60.000 baoh sang. Rajaei Brazil brei thau lac brei blei tame 200.000 tấn brah piah pabak ginup saong pacang cakak bruk urang blei pataom piah tagok yaom.

Ia dauk ia sua saong jaleih taneh kayua hajan praong daok ngak kan kandah tal jaik 1 triệu menuac di bhum Đông Phi. Kadung jien uraniah Liên hợp quốc (UNICEF) khan lac rilo menuac di Burundi, Kenya, Somalia saong Tanzania njauk panduan nao daok labik karei. Ia dauk ia sua saong jaleih taneh jeng ngak khat lahik biak rilo, khut tayah sang danaok, sang bac, rilo cơ sở hạ tầng, ba seik phun pala, njam patam saong athur raong. Dom mbang hajan khang di Đông Phi, khang jang kayua langik El Nino vaktu 2023-2024, ngak ka yaok ratuh menuac metai saong brei mboh bruk caong hu daong samar drah./.