Hu labaih 40.000 anek saih tut angan pakacah Taong yaom prein bac mbang ka dua di Đại học Quốc gia TP.HCM. Mbang pakacah Taong yaom prein bac mbang 2 di Đại học Quốc gia TP.HCM brei peih ngak di harei 2/6 di dom tỉnh, ban nan lac: Thừa Thiên Huế, Đà Nẵng, Bình Định, Khánh Hòa, Ninh Thuận, Đắk Lắk, Lâm Đồng, TP.HCM, Bà Rịa - Vũng Tàu, Đồng Nai, Bình Dương, Tiền Giang, An Giang saong daok si peih di Cà Mau. Bruk pakacah di mbang ka dua hu khan brei thau di harei 10/6. Urak ini, hu labaih 100 labik pato megru tut angan brei mek điểm mbang pakacah ini piah palih ruah tame tapak bac Đại học, Cao đẳng.

Urak ini, dom jalan ngak di kol bleik saleik jeng daok salih bahrau kan si thau piah plaih bruk pasang iek di gah nhà mạng. Ong Nguyễn Phú Lương, Phaok Yam ndok Pasak Pasang iek salamat không gian mạng pakat negar kakei lac: “meng dom jalan bleik pachot ini, rahra njauk kanal hadar lac taong abih dom jabat karja di Việt Nam oh ieu rahra, oh langyah bruk tapa phone, bo taong abih bruk brei hu langyah pak di labik ngak bruk di karja”. 

Xã Bù Gia Mập, huyện Bù Gia Mập, tỉnh Bình Phước lac xã bhum atah bayah, bhum taphia negar. Ini lac sa dalam 5 xã biak kan kandah di tỉnh. Dalam xã  hu 1.776 baoh sang, dalam nan urang bangsa takik meblah 73,6%, baoh sang kathaot saong jaik kathaot meblah 11,65% dom baoh sang bhap bini dalam xã. Piah daong bhap bini patagok bruk ngak mbang pala drak, tani tanat raidiuk, yam tagok patruh kathaot, karja xã hu ieu pataom yaok prein khang.  Meng dom phun jien hu blaoh, karja palei brei peih ngak sumu  dom jalan  pathau khan, pasang iek, yaok kuhria bruk pagrap tanat raidiuk xa hoi, daong tacei jalan, phun jien mesre. Hu bruk daong sumu, njauk manuac, lagaih haong raidiuk yaok baoh sang nan ye baoh sang urang kathaot hu trun rilo tapa dom thun.

Tỉnh Đồng Tháp meda brei peih ngak iek “Xã pablei salih điện tử Mỹ Xương, huyện Cao Lãnh, tỉnh Đồng Tháp” meng thun 2023 - 2025. Bruk ngak iek ini piah pandar công nghệ số padang dữ liệu thông tin tame bruk ngak nong (brei thau ka taneh riya, langik tasik, halak halin, jit ruak,  bruk pala saong yuak), meng nan daong bruk pablei kaya nong saong daong ka urang blei mboh sahanang hatai jang tuk thau hu bruk ngak pandap di palei. Bruk ini meda daong ka bruk pablei salih hu mbuan lagaih, urang blei mboh sahanang hatai tuk thau hu bruk ngak tabiak kaya nong.

Di Tiền Giang kayua ia ndik saong hangin Tây Nam ngak ka ia ndik tagok glong, gam ia mbak  njom tame dalam. Kayua yau nan ye, dom ar ribaong pacang ia mbak tapen kraong Tiền daok hu kreik sir  piah pacang  ia mbak, khik ia taba. Nan ye, yaom lac ia mbak rah tabiak sraw kadau min mbiah tal ini labaih 80 ha taneh pala phun mbang baoh dalm tỉnh jeng daok that hijao siam, brei rilo baoh. Di dom bhum taneh bein, njam patam  kurang ia karja palei brei njuk pruh ia meg ribaong praong tal ribaong pakat 2, pakat 3 piah pabak ka bruk pala drak di bhap bini.

Thủ tướng Thái Lan sa mbang tra ndom lac brei ba cần sa mai veik angan dom janih ma túy di jhung thun ini, 2 thun hadei di tuk Thái Lan jeng taneh ia camereip abih dalam bhum brei adat pandar cần sa piah giải trí me-in sambai. Thủ tướng Srettha ndom lac, ma túy lac bruk praong dalam danak dak ginum biai di negar saong taong abih dom jabat brei pambuak gauk piah langyah. Gam haong nan, caong mboh cambaih laih bruk ini dalam 90 harei. 

Nhật Bản saong Hàn Quốc daok kurang manuac ngak dalam rilo bruk, ba tal bruk pandar urang ngak negar langiu tagok rilo. Tui pasang iek birau ini, 51% kong ty di Nhật Bản jeng hu sa pathau khan yau gauk lac “oh ginup menuac ngak”. Dom D.N daok caong rajaei  brei pacadu jang dom adat hukum brei tame negar piah lang talaih kan kandah ka darak pasar urang ngak. Dalam tuk nan di Hàn Quốc, thun ini, kuhria mboh dahlau khin hu labaih 62.000 urang ngak negar langiu tui tukvak piah pabak bruk kurang manuac di bhum palei dalam bilan tabung glong. Ini lac bruk kurang manuac biak praong kuhria meng dahau mai.

Jabat khik ramik truyền thông Anh (Ofcom) meda brei ngak catang bruk umo thun di uranaih hu pandar mạng xã hội. Tui nan, uranaih umo mala 13 thun oh hu adat padang khoản piah pandar mạng xã hội di taneh ia châu Âu ini. Dom Cty công nghệ ngak po mạng xã hội hu ieu brei ngak mã định danh di uranaih pandar dom mạng xã hội di dom Cty ini. Labik halei oh ngak tui bruk bahrau ini, njauk phạt jien tagok tal 10% yaom jien mek tame di dunya yaok thun di Cty. Jalan pasang iek umo thun di uraniah piah khik caga prein yava di uraniah anak bruk dak harei dak hu rilo asal kadha oh siam angaok mạng xã hội./.