Bein lahong hu tamuh yaok thun 

Lahong meda pala angaok taneh oh hu likhun atau takik likhun, độ pH từ 5,5 - 6,5. Taneh brei pasoh, mbuan tathuak ia. Meyah pok ro, brei khik ia dalam ribaong dalam meng 50 - 60cm atah di mbaok ro.

Lahong tamuh siam dalam lingik  ấm, hajan 100mm/sa bilan, oh njauk halui pacang. Urak ni, hu 2 pajaih lahong bhian mboh lac  pajaih Hồng Kông rilo bingu Đài Loan tím. Palih asar ngak pajaih  meng dom phun amaik khang kadang,oh ruak kik. Asar hadei di tuk xử lý, hu pabam angaok ro. Mbaok ro hu srau bau, kam. Meng 5 - 10 harei, asar pacah meta.

Tuk phun glong 4 - 6cm ye buh tame  bầu. Bầu praong 6 - 10cm. Brei palih phun khang, praong hu rilo gha. Taneh ngak bầu: 1/3 tal haluk mbaok  pasoh, 1/3 bau kam  song 1/3 khak limo. Phun anek dalam  bầu hu  2 - 4 adit meda ba tabiak pala di haluk.

Lubang pala atah 60cm, praong 60cm saong dalam 30cm. Pala talei ini atah di talei daih meng 2 - 2,5m, phun atah phun meng  2m (lac meng 2.000 - 2.100 phun/sa ha). Hadei di tuk kuac lubang, brei buh khak. Yaok lubang buh  10 - 15kg khak limo, meteh lân, 200 gr kali, meteh kg cur tapung. Srau tong abih khak song taneh bloh buh bak lubang pala. 

Lahong biak nhạy cảm hong nhiệt độ song ẩm độ, tuk langik pandiak glong  (30 - 350C) atau  ẩm độ glong, hajan rilo (250 - 300 mm/bilan) phun suai praong, oh hu baoh atau takik tabiak boh..

Lahong hu boh luac thun, kayua yau nan ye brei buh khak  piah pabak dinh dưỡng ka phun rong bingu, boh. Meda pandar khak đơn atau khak hỗn hợp karei min brei khik njauk  hàm lượng đạm, lân, kali.

Tuk phun hu sa bilan hadei di di tuk pala  buh 20g khak  urea song  30g super lân. Lai dalam 10 lít ia pruh ka phun sa mbang / sa adit.

Meda pruh khak ka hala. Pruh meng 3 - 4 adit /sa mbang tui nồng độ tacei ba. Caik hatai sangka oh pandar khak  hóa học song pandar takik di abih khak  đạm piah buh ka lahong kayua kandaong labaih nitrat  dalam boh meda ba tal  njauk jru mek ka urang mbang./.

Urang lang: Hanipha -13/2