Brah huyết rồng hu rilo dinh duuong song vitamin

Huyết Rồng lac pajaih padai sambo hu angan meng dahlau mai di bhum taneran krong CL: asar brah sambo màu meriah bhong, lasei pahe, bingi min lac pajaih padai lagaih hong bilan ia ndik nan ye rup phun glong  1m 6 – 1m 8, mbuan jaoh jaleih, vaktu tamuh dui atah meng 5 - 6 bilan, năng suất biar (jaik meteh tấn/ha). Tuk bhum taneran krong CL caga hu ia, dong patagok bilan pala, salih tapa pajaih padai katut harei piah patagok sản lượng hong năng suất, pajaih padai Huyết Rồng oh dok lagaih nan ye lavik lavik harei urang ngak nong var lahik.          

Tui TS Đào Minh Sô, piah roh duah hu pajaih padai "rai hadei" pabak ginup dom bruk lac tamuh khang kajap, năng suất glong, asar brah siam, pahe bingi, njauk abih labaih pluh thun duah thau, pabam pajaih.

Dalam tuk duah pandar gen padai meng kan piah ngak tabiak gen padai salih bahrau pabak ka drak pasa, nyaom roh duah palih ruah hu  dom janih padai sambo bahrau meng jalan đột biến meng dom pajaih padai meng kan vaktu thun 2010.

Hadei di nan bruk pabam pajaih hu peih ngak. Pajaih padai SR20 lac anek lai hu palih ruah meng: pandap ame lac sa pajaih  padai meriak đột biến hu patagok meng janih gen meng kan dalam negar song pandap amaik lac  sa janih padai jhuk negar langiu. Gu lai ni piah ba pandar hu lagaih di truyền meng dom siam mekre di ame haong amaik. Bruk ni ngak gam gam meng thun 2015, tal thun 2019 hu mboh dom pajaih padai sambo siam, dalam nan pajaih padai sambo SR20 brei mboh cambaih abih ka yaom pala ngak song pandar.

Tui TS Đào Minh Sô, pajaih SR20 hu vaktu tamuh katut panak, thaik thaot mekre, hu sambo meriak song ngu, bingu chùm, năng suất glong, chất lượng siam jang biak rilo dut song pajaih ame amaik .

Pajaih padai SR20 hu ngak iek prong di rilo labik dalam bhum  Đông Nam bộ song bhum taneran krong CL meng bilan Đông Xuân 2020 - 2021 tal urak ni , song hu dom siam lagaih yau ni: takik harei (meng 92 - 96 harei), năng suất glong (5 - 8 tấn/ha), pacang hu halak halin, abih di nyu nan lac lisei biak bingi, yamen, dẻo mbiah song pasoh yau brah  di pajaih  Huyết Rồng meng kan, lagaih song rilo urang blei mbang.

Brah Mắt Rồng SR20 hu urang ilamu dak tame angan brah đặc sản, hu yaom glong gah dinh dưỡng, rilo vi chất khoáng song  vitamin./.

Urang lang: Hanipha- 21/4