Thun 2005, ong Trần Xuân Chiến ngak iek bruk raong menuk kareik dalam van ro. Tuk nan, phun jien takik nan ye ong tok palao raong 100 drei. Kayua kurang ilamu raong glang, menuk njauk ruak metai rilo ngak ka ong lahik abih phun jien.

Oh taduan lah, oh kadun likuk, ong Chiến kham merat bac megru ilamu raong glang. Ong brei thau, piah ka tapon menuk oh njaom ruak, ong bhian pruh jru pametai anek ruak di van ro; klauk jru pacang caga jit njauk tuk vak. Pandap mbang brei ginup dinh dưỡng piah ka menuk nyu praong siam.

Langiu di haleik công nghiệp, ong Chiến daok brei ka menuk mbang pabak dom janih njam hijao saong tapung. Yaok harei ong pasang iek, puh ramik van ro; takac tableik pandap tauk van meng 7 tal 10 harei sa mbang, pabak tal tauk dalam van ro piah ngak ka nyu kapal, thu, lamin.

Urak ini, meng labaih 4.000 drei menuk mebaoh saong menuk ralow, yaok harei, sang ong Chiến pablei tabiak darak pasar meng 2.500 tal 3.000 baoh. Yaok thun, sang ong laba hu 350 triệu đồng.

Bruk raong menuk kareik dalam van ro di ong Trần Xuân Chiến lac bruk njauk pambak prong kayua meng kan mai, mikva daok di bhum ceik bhian randap haong bruk raong palao, oh lac limo, kubao, pabui… bo dom janih menuk ada jeng yau nan. Raong palao rilo, min takik hu kein laba bo daok mbuan njauk jit ruak kayua khak di menuk ada ngak ka taneh njom nerak tachauk, pataom anek ruak meng thun ini tapa thun karei./.

Urang lang: Jasi - 18/08/2021