Boh kayua dok kandong labaih kayua jit covid 19

Muk Phạm Thị Minh Hiếu, Akaok Chi cục khik caga phun pala (di Sở ngak nong song patagok palei pala ban Cần Thơ), brei thau: “Bilan padai thu đông 2021, urang nong rilo meng pandar dom pajaih padai lac  : OM5451, Ðài Thơm 8; OM18… Ni lac dom pajaih padai hu năng suất glong, chất lượng siam, pablei hu ka drak pasa negar langiu. Padai thu đông rilo meng lac di tukvak tabiak dhar, tamuh song praong tagok. Min, kayua langik oh lagaih, jeng hu dom janih ruak, halak halin palai kaik njauk pataom tame pacang caga”.

Dalam nan, palai pajoa rilo abih lac takuh kaik, ruak đạo ôn hala, ruak ka-iu jih hala angaok padai tuk tabiak dhar tal sraoh nerang… Rầy nâu jeng hu tuk padai tabiak dhar, hu 300-500 drei sa m2 rầy nâu praong meng 3 tal 5 harei.

Tukvak padai tabiak dhar, takuh jeng hu rilo angaok mblang hamu. Takuh palai kaik di mblang hamu daok jiak bein, dalam nan hu bein njam patam, bein phun mbang boh. Ruak đạo ôn angaok hala padai jeng rah tabiak kayua langik hajan, hangin di tuk beir harei melam, bimao ruak đạo ôn palai pajoa song tamuh angaok padai tuk tabiak dhar tal tuk sraoh nerang ngan song taneh njom ruak labaih 16ha, njaom meng 5-10%.

Tui Chi cục khik caga phun pala ban Cần Thơ, urak ni rầy nâu langiu mblang hamu hu meng 300-500 drei angaok sa m2. Gah ngak nong dom  quận, huyện brei hu panuac kakei urang nong juai pruh jru pametai rầy nâu avar di tuk vak camereip di phun padai  piah khik caga thiên địch, patrun bruk tamuh tabiak rầy nâu, dom janih ruak palai pajoa karei di tuk vak hadei di phun padai. Ngan song ruak đạo ôn hala angaok padai thu đông 2021, brei hu panuac kakei urang nong bhian tabiak ravang mblang hamu piah samar mboh ruak, samar langyah. Padeih buh dom janih khak hu đạm, pacang caga ruak tui jalan 4 njauk, oh pambuak haong khak buh hala atau jru pachreih phun praong tuk pruh jru ruak  đạo ôn hala.

Dalam tuk pandar sarak 16/CT-TTg di Thủ tướng rajaei, urang nong tuk camereip gaok kan kanhdah dalam bruk pajeng ba song blei pandap khik caga  phun pala. Kayua yau nan ye, caong hu urang jakar ngak nong di palei dong brei, tacei pato urang nong blei pandap tapa phone tangin song brei thau dom labik pablei pandap ngak nong daok jiak di abih.Langui di nan, brei daong bruk tabiak ravang hamu, ieu phone, payua panuac tal dom urang nong di labik karei  hu taneh pala drak di labik dok peih bruk paatah gauk, atau dalam labik daok pacang veik, piah urang nong sahnang hatai ngak tui dom jalan pacang caga jit ruak COVID-19. Patagok bruk pasang iek dom bruk pablei salih, khak drak, jru khik caga phun pala, pacang bruk pablei pandap ja,pandap oh siam, tagok yaom jru dalam tuk jit ruak tamuh khang. Samar duah mboh song langyah catang dom bruk ngak suan../.

Urang lang: Hanipha- 11/8