Bruk rong pabo hu carok patagok di rilo huyện dalam tỉnh Ninh Thuan 

Meng langik thu pandiak gam song taneh riya biak karei ngak  brei ralow pabo di Ninh Thuận nyu bingi karei. pabo pak ni hu raong palao, eng nyu duah pandap mbang lac dom janih hareik, hala kayau. Abih di nyu nan lac, di Ninh Thuận hu dom janih phun lac pandap mbang takre di pabo yau phun quýt glai, phun duối, phun sống rắn ngak ka rilaow pabo Ninh Thuận nyu pahe, bingi biak karei  .

Ong Nguyễn Mạnh Hùng, po mblang bein raong labaih 200 drei pabo di xã Phước Trung, huyện Bác Ái brei thau, pabo lac athur  duik hu di langik pandiak thu, mbuan rong, pandap mbang lac hareik song phun kayau, hareik thu. Langiu di nan, dom janih pandap mbang  pa-auk that, dom janih boh kraoh, kanduh patei, hala dứa, bã đậu nành, bã tabau, xơ panat nyu jeng mbang siam.   

Ong Hùng brei thau:”pabo tagok tapol samar, nyu menek  2 thun 3 mbang, yaok mbang menek  meng 1-2 drei. Hadei di tuk rong meng 8-12 bilan, pabo tano trak meng  35-40kg, pabo binai  trak meng  30-35kg hu ba tabiak pablei. Pabo daok diuk pablei rilaow urak ni yaom meng  90.000-120.000 đồng/sa kg (tui drei praong atau sit,  tano atau binai hu yaom karei di gauk). Pabo dok hu yaom nan ye meng sang ong  pablei 10 drei hu jiak 50 triệu đồng".

Gam song bruk raong palao di gah langui, dom boh sang rong dok hu rong pabo palimek  piah patakik tuk vak rong.Tui panuac khan di dom boh sang raong, piah hu tapon pabo praong, siam, khang kadang, bruk palih ruah anek pajaih lac bruk biak prong. Ngan song pabo binai palih ruah drei hu rup prong, tasau dalam song atah, bộ phận sinh dục prong. Daok pabo tano  palih dom drei khang kadang, takuai prong, 4 takai sami samar song 2  tinh hoàn prong samu gauk; saong bhian salih drei tano piah klah nyaik thụ tinh đồng huyết.

Gam song bruk palih ruah pajaih, urang rong brei ngak var ro hu sàn, taneh prong takik di abih lac meng  1,8 - 2 m2 sa drei. Var ro tuk halei jeng hacih saat, thu lagu, lanieng lanoi, nyaih hangin yuk tame song hajan saik. Yaok bilan pruh jru pametai anek ruak ka var ro . Urang rong caik hatai sangka oh palao kubo  nao mbang var tuk hareik dok pasah. Piah samar prong, urang rong meda pabak dom janih pandap mbang tapung yau haleik , tapung tangei, tapung bei paom, hèm bia song dom janih vitamin ka kubo dalam bilan thu. Dalam tuk rong  brei caga song iek ruak dom ruak yau chướng hơi dạ cỏ, aik chraoh, saluak cambuai, tử cung song âm đạo, viêm phổi, viêm meta song ruak sán lá.

Piah ba rilaow pabo di Ninh Thuận mai tal dom bhum palei dalam negar, peih tabiak jalan ka bruk pablei tabiak negar langui, tỉnh Ninh Thuận patagok bruk khik ramik gah thú y, hacih saat pandap mbang, peih bruk tauk tem điện tử thau ka asar di nyu dalam bruk ngak mbang pablei salih; gam haong nan jhul khang dom bruk yaik khan, pambuak gauk peih prong darak pasa  pablei salih rilaow pabo  piah patagok kein laba ka urang raong./.

 Urang lang: Hanipha- 19/5