Tapon athur hu khik iek piah nyaih ka jit ruak 

Tui panuac kakei di  Cục Thú y, dom labik hu sruh jit cúm A H5N8 ka oh tapa 21 harei atau tỉnh, ban halei mboh menuk ada dương tính hong virút, menuk ada njauk ruak, mboh yau njauk ruak kayua dom chủng virút cúm A H5 brei am cuh klaak, tabiak panuac lac hu jit song peih bruk pacang caga jit ruak  .

Njauk peih bruk duah thau, njom mbak meng halei piah samar pacang cakak, oh caik ka jit njom mbak praong. Daok bruk pandar vaccin klauk caga ka tapon menuk ada, ong Nguyễn Văn Long, Phaok akaok Cục Thú y kakei lac, dom puk palei peih bruk klauk vaccin kum menuk ada pacang sruh jit, brei klauk hu labaih 80% tapon mbuan njom ruak. Bhain pasang iek, klauk caga pabak ka tapon menuk ada bahrau hu song ka oh hu klauk jru. Pandar dom janih vaccin kum menuk ada dok hu adat pandar di Việt Nam, song hu siam lagaih khik caga ngan saong chủng virút kum menuk ada A H5N6, kayua tui gah Thú y dunya, virút kum menuk ada A H5N8 jeng parabha dhar 2.3.4.4B hong vi rút kum menuk ada  A H5N6.

Urak ni hu rilo janih vaccin, meng vaccin ngak dalam taneh ia tal vaccin  blei meng negar lingiu, tui panuac kakei di dom kapul nyaom di dunya, abih di nyu lac di gah  Thú y dunya song Gah Nông Lương Liên Hợp quốc ye meda pandar  vaccin pacang A H5N6 pacang ka chủng vi rút A H5N8.

Meng kan kandah di virut kum menuk ada A H5N8 song dom janih virút kum menuk ada hu prein jhak glaong karei, patrun patakik di abih bruk njom mbak song ba tal metai menuac,  Thứ trưởng Mintri ngak nong song patagok palei pala Phùng Đức Tiến ndom lac: “Brei ngak khang ngan song dom tapon menuk ada hu vi rút H5N8, am cuh klaak taong abih song langyah an toàn sinh học ka nyu catang, dalam tukvak katut panak di abih meda hu vaccin saong daok caga pabak vaccin piah klauk ka tapon menuk ada”.

Yaom lac ka oh mboh lac kum A H5N8 njom mbak meng menuac tapa menuac, min bruk caga dom jalan pacang jit di dom tỉnh, ban song urang rong glang lac bruk njauk ngak dalam tukvak ni, piah khik caga pren yava ka rahra, patrun dom kan kandah bo urang raong glang daok dang anak, tuk jit Covid-19 daok ngak kan kandah tal bruk ngak nong, jeng yau gah rong glang./.

Urang lang: Hanipha- 28/7