Ong Út Hiện Daok di pulao An Hòa, tỉnh Đồng Tháp

Ong Út mboh lac bhum taneh pulao An Hòa lagaih haong phun darang yau nan ye ong kham merat ba mai pala. Ong Út Hiện khan lac: “Dahlau diah, angaok taneh pulao ini mikva ralo meng pala tabau, njam patam, phun mbang baoh ralo meng phun uois, daok veik takik taneh pala phun darang kanduh kanyik katam. Hadei di rilo mbang nao rivang iek, bac megru pak negar langiu, dahlak hu mboh sa janih pajaih darang siam takik ruak, brei rilo baoh, takik khut khat; asar sit, rilaow kapan, pahe, yamen bingi yau nan ye ba mai Viet Nam pala iek. Tuk nan, dahlak sahaneng brei duah jalan salih pajaih klak oh daok lagaih.”     

Yaom lac pajaih darang Ido pala di bhum taneh kaoh pulao mboh hu kein laba, min ong Hiện sahaneng anak tal, darak pasar urang blei jeng salih takre karei, tuk nan urang oh daok takre darang Ido tra ye urang pala darang meda gaok rilo kan kandah yau nan ye ong oh njauk hatai saong bruk jak jeng yau urak ini bo brei duah dom pajaih birau siam jang.    

Nan ye, hadei di pala darang pajaih Ido hu jak jeng, ong Út Hiện duah jalan ngak tabiak pajaih birau. Saong harei 19 bilan 11 thun 2019, pajaih darang Phát Tài di ong hu Cục pala drak brei harak Khik caga Pajaih phun pala, peih tabiak bruk cak rok patagok pajaih darang birau di Viet Nam. Pajaih darang birau urakini hu ong Út Hiện ba tabiak pala di taneh sang drei piah salih ka darang Ido. 

Tui ong Út Hiện, darang Phát Tài hu rilo siam lagaih jang dut saong dom pajaih darang dahlau diah, yau: pacang hu halak halin, takik truh baoh, brei rilo baoh praong, abih takik prein yawa iek glang, meda ngak brei tabiak baoh tui hatai drei, tukvak pala tal tuk  paik baoh meng 2 tal 3 thun. Thun 2019, ong ngak brei tabiak baoh iek, paik hu 8 tấn, hu công ty blei yaom 70 ribau đồng sa kilo piah pablei tabiak negar langiu. Urak ini, công ty khin blei 200 tấn baoh yaok adit piah pablei tabiak negar min oh pabak ginup. Langiu di nan, công ty kakei blei 100.000 phun pajaih piah pala. Meyah urang nong tame bruk pablei baoh darang, meda hu daong pablei brei phun pajaih, khak drak bayar jien hadei, hu urang ilamu tacei pato saong blei baoh veik…Ong Út Hiện lac: “ Bhum gah ala kraong Cửu Long hu pabak phù sa yaok thun, hu ia pruh, abih di nyu lac langik lagaih pala luac thun  nan ye khol drei pala piah plaih bhum baoh kayau karei di dunya. Tuk plaih hu ye drei meda ngak ka bhum nguyen lieu di urang jeng darak pablei baoh kayau di drei. Meyah hu tani tanat ye anak tal pajaih darang nan meda salih ka dom pajaih darang di Viet Nam”./.

Urang lang: A.Nghiêm  13/5/2020