Jalan khik iek dịch ruak

Jalan ngak lac: puh ramik bein hacih sa-at, cakak klaak dom hala taha kanjik katam ba nao am cuh, pala salih dom janih phun karei pajaih. Palih ruah pajaih siam, hu pren pacang caga halak, pajaih hu asal cambaih laih. Mong iek tui janih phun.

Peih bruk cih vak nhật ký mblang hamu.

Buh khak ginup saong njauk, patagok bruk pandar khak hữu cơ.

Pasang iek mblang hamu piah mboh saong samar hu jalan khik iek lagaih ngan saong ruak kik, halak halin.

     Jalan ngak sinh học: takik pandar dom janih jru hóa học hu độ độc glaong piah pacang khik dom janih hong ký sinh di anek aruai mbang hala, dom janih thiên địch mek mồi yau nhện, bọ iku kìm… Pandar dom chế phẩm sinh học pametai halak halin.

Jalan ngak vật lý: pandar dom bẫy sambo màu kanjik katam, luk dom chất bám dính: pandar nhựa thông (Colophan) riak srau haong nhớt radaih tui tỉ lệ 4/6,  bẫy Pheromone dui pachreih côn trùng.

Meda pandar halam glaong meng 1 mét meteh tal 1 mét 8 pacang vin taom dhar bein piah trun takik ruai mbang hala, halak halin, côn trùng palai kaik meng bein karei par tapa.

Jalan ngak hóa học: Tuk pandar jru njauk kuhri kuhria tui jalan 4 njauk  (njauk tuk, njauk jalan, njauk liều lượng, njauk jru) saong hadar puac cambaih jalan tacei pato pandar jru dahlau di tuk pandar, pruh tuk ruak bahrau tamuh tabiak.

Pandar jru khik caga phun pala tuk biak caong khin saong tui dom hatai caong khin yau hadei:

Oh pandar janih jru pakuak pandar ka njam

Palih ruah dom janih jru hu hàm lượng hoạt chất biar, takik độc hại ngan haong thiên địch, dom athur karei saong anek manuac.

Njauk pandar dom janih jru sinh học (hu jru vi sinh saong thảo mộc)./.