Ong Nguyễn Chí Thiện, Phaok Akok Sở Ngak nong saong Patagok  palei pala tỉnh Long An brei thau, dalam tỉnh urak hu labaih 800 ha taneh pala bei plom ye hu labaih 250 ha njom ruak kanyil, ka-iu hala. Ruak kanyil ka-iu hala kayua virus ngak khut hala angan ieu lac Sri Lanka Cassava Mosaic Virus, njom mbak tapa bọ tabung mbong Bemisia tabaci saong tapa phun pajaih, nan ye njom mbak biak samar.

Ruak bhian ngak brei hala hu dom gilong sambo kanjik katam. Meyah ruak trak, hala nyu ka-iu veik di akok hala. Ini lac ruak ba tal khat lahik trak, ngak brei bei oh mek hu, atau hu min takik, saong bei oh siam.

Jeng tui ong Nguyễn Chí Thiện, makna ba tal taneh praong pala bei njom ruak kayua urang pandar pajaih oh siam, oh thau meng halei mai. Piah pacang caga hu siam ruak kanjil, ka-iu hala phun bei, ong Nguyễn Chí Thiện kakei urang nong njauk palih ruah pajaih siam KM94; oh pala dom pajaih njom ruak: HLS - 11, HLS - 12, KM 419, KM 140; oh pandar pajaih di bhum taneh hu jit ruak; njauk salih tapa pala dom janih phun pala karei  di taneh bei plom njom ruak kanyil hala takik di nyu sa vụ; oh trun pajaih tuk taneh pala phun bei njom ruak kanyil, ka-iu hala piah takik ruak njom mbak ba tal khat lahik.

Ngan saong dom taneh pala bei plom hu blaih 3 bilan njauk njom ruak, brei buac atau cuh klak dom phun ruak; kham merat brei thau, pathau khan, peih tal pasram ka urang nong dom jalan pacang caga ruak. Langiu di nan, dom gah chức năng peih bruk pabam phun pajaih  saong jao brei ka urang nong pala. Pakauk oh brei pajeng ba phun, hala di labik jit ruak tapa labik oh ka njom ruak.

Gah ngak nong Long An kakei urang nong kham merat tabiak rivang hamu, sumar mboh ruak piah hu jalan langyah, plaik njiak ruak njom mbak. Ngan saong dom taneh pala bei plom ala 3 bilan, njauk ruak labaih 30%, brei cuh klaak abih phun bei.

Phaok Akok Cục Khik caga phun pala di Mentri Ngak nong saong patagok palei pala Nguyễn Quý Dương brei thau, hadei di tuk thau dom janih pajaih pacang hu ruak kanil, ka-iu hala bei, Cục Khik caga phun pala hu panuac tagok Cục Pala drak samar tacei pato brei thau pajaih HN3 saong HN5 piah samar ba tame pala. Tapa nan, rik daong paglaong năng suất, kein laba ka urang nong; peih tal pasram ilamu ky thuat pala ka taong abih urang nong hu taneh pala bei./.

Urang lang: Aí Nghiêm - 31/3/2021