Tui kỹ sư nông nghiệp Nguyễn Mạnh Chinh, dok ngak bruk di  Viện roh duah phun pala gah merong: urak ni,  rầy nâu tagok khang abih di tuk padai tamuh tal tabiak dhar  (lac hadei di tuk drak  25 harei) song rầy cám caih rilo tuk padai hu  15-20 harei.

Piah patrun patakik halak kandaong veik, njauk tam, drak tui tuk vak ba tabiak di puk palei, pandar jru hóa học xử lý pajaih. Meyah mboh rầy praong hu rilo njauk pandar jru pametai samar. Tuk mboh rầy cám meng 1 drei/sa dhar brei pandar jru. Pametai rầy cám brei pandar  jru  Buprofezin song jru sinh học đầu trâu Bi-Sad, Vibamec… Oh pandar jru tổng hợp song lân hữu cơ piah khik caga  thiên địch.

Tuk padai hu  25-45 harei hadei di tuk drak, rầy nâu praong mboh hu rilo saong  rầy cám jeng caih rilo. Meyah mboh rầy hu labaih  2 drei sa dhar njauk pruh jru. Urang nong njauk buac klaak phun njauk ruak song iek glang njauk kỹ thuật. Pruh jru patagok pren pacang caga ruak ka phun yau dom janih Chitosan, Acid Salycilic, Acid Humic.

Halak balik hala meyah nyu palai kaik labaih 10% hala ye pruh jru. Tuk mboh njauk pruh jru avar, tuk halak meda dok sit. Ruak  đạo ôn tamuh tabiak song palai kaik meng luac bilan 12 tal kreih bilan 1 di tuk tabiak dhar rilo  (20-35 harei hadei di tuk drak), tuk ruak tamuh tabiak njauk takik buh khak đạm, bo buh pabak khak kali, khik ia dalam hamu song pruh jru đặc trị.

Padai tal tuk meng sraoh tal tasak, halak halin palai kaik bhian lac  rầy nâu, halak balik hala  song ruak vàng lùn, lùn balik hala. Ruak đốm vằn tagok rilo, pacang caga ruak đốm vằn meng buh khak ginup  kali, khik ia dalam hamu song pruh jru đặc trị.