Saai Lâm Em khan lac, ikan salat meyah blei njauk drei pajaih jhak biak kan raong. Meng tuk palao rong mbiah tal tuk cap pablei ye khat lihik meda tagok tal 50%. Jeng tui saai, ikan salat yaom lac mbuan rong, samar prong, takik njom ruak min khin mek hu năng suất, chất lượng glong, urang rong njauk caik hatai sangka tal drei pajaih saat, praong nde gauk, pandap mbang biak siam (lac pandap mbang  công nghiệp).

Langiu di nan, dahlau di tuk palao ikan njauk ngak pasiam veik danao, cap mek abih abih geing song ikan tạp, palao rong mbiah, meyah  palao raong rilo, ikan nyu suai prong song prong sit oh samu gauk. Jalan ngak di saai, danao dalam meng  3 - 3,5m lac siam di abih, takik di abih jeng dalam hu  2,2m. Meyah danao kaoh , ikan suai praong.

Tui ilamu di saai Lâm Em, yaok danao rong ikan salat, saai jeng hu palao ikan  sặc rằn kayua janih ikan ni mbang pandap mbang labaih piah ngak hacih saat ia dalam danao.

Dahlau di tuk raong ikan, saai kham merat roh duah tài liệu, sách báo, nao bac megru ilamu rong. Patui di nan lac buh phun jien tabiak raok danao,  xử lý ia  siam mekre dahlau di tuk palao rong .

Tuk camereip saai palao rong 2 danao, yaok danao prong  2.500m2, hadei di dom mbang cap pablei hu kein laba glong, saai patak pataom phun jien pah  4.000m2 mboak danao. Meng nan bo thun  2017 saai mek hu  abih tih labaih  80 tấn ikan  piah pablei, yaom meng  80.000 - 82.000đ/kg. Tui saai  Lâm Em, phun jien rong ikan salat biak prong, tui kuhria, khin hu sa  kilo ikan  piah pablei (yaom  82.000đ), njauk buh tabiak abih 43.000đ (dalam nan hu jien ikan pajaih, jien pandap mbang, jien pah menuac ngak…) min meyah rong njauk  kỹ thuật ye meda ngak kaya hu meng janih ikan ni ./.