Phun durang praong hu raong meng 3 - 5 bộ gha 

Sa-ai Phi khan lac: akaok thun 1990, tuk nao blei pajaih darang piah ba mai pala dalam bein, sa-ai blei njauk phun pajaih oh siam. Salih ka bruk mbuah urang pablei, sa-ai Phi nao duah blei tapuk tacei pato ilamu pagam dhar ngak tabiak pajaih darang, blaoh duah jalan pala asal, palih ruah dom meta darang siam gheih di puk palei ba mai pagam phun pajaih. Hadei di rilo mbang ngak oh jeng, puac di abih sa-ai jeng ngak hu darang pajaih pala dalam sang. Jalan pala bahrau di sa-ai Phi nan lac: pala 3 - 5 phun durang pajaih dalam 1 lubang tui thế chân kiềng, dalam nan hu sa phun pajaih durang chất lượng glaong (lac phun praong), dom phun daok veik jeng lac pajaih durang chất lượng biar (phun sit).

Hadei di tuk pala labaih 2 bilan, tuk dom phun pajaih cak rok siam, ye sa-ai cakak pagam dom phun pajaih veik haong gauk di labik rup phun. Hadei di sa bilan, tuk labik taom gaok di inem pagam hu siam veik, cakak klak jhung dom phun darang sit, caik veik phun durang praong. Phun durang praong hu raong meng 3 - 5 bộ rễ gốc, nan ye cak rok patagok khang kajap dut haong phun darang  pala 1 lubang 1 phun.

Tok hadei di sa thun trun pajaih, yaok phun darang pala tui jalan bahrau, meda paik hu 10kg baoh. Hadei di 2 thun dhal di nyu meda prong jang jaik 3 mbang dhal di phun darang pala 1 phun 1 lubang. Tui nan, năng suất baoh jeng rilo jang.

Meng thun ka klau nao bein darang yam tame salih tapa tukvak paik baoh. Yau nan min, kayua phun durang pala tui jalan bahrau cak rok biak khang, nan ye mong iek buh khak ka nyu ginup dom janih saong tui mong iek dom janih jit ruak halak halin palai kaik phun durang.

Tapa nan, pala durang tui jalan bahrau, hu ngak brei katut jang tukvak brei baoh, meng 5 – 6 thun trun daok 3 thun. Phun tamuh dang khang kajap kayua hu  dom gha sit meng dom phun daong veih. Peih tabiak jalan bahrau ka bruk pala phun mbang baoh jeng yau ka phun darang. Meng dom jalan ngak hu ndom di angaok nan, bein darang di sang sa-ai Phi tok hadei di 3 thun pala paik hu meng 4 - 5 tấn baoh/1 mẫu 3.600m2.o oh mboh thun halei takik baoh.

Dalam bruk cakak pagam ngak pajaih phun durang, sa-ai Phi jeng patak pataom hu rilo ilamu, meda cakak pagam phun hu dalam taong abih điều kiện thời tiết (kaoh tuk langik daok hajan), phun diuk hadei di tuk pagam meta jeng mek hu jaik 90%, atau pagam pasiam pajaih ka bein darang di angaok rup, atau dhal phun bahrau cakak hu prong tal 15cm, meta durang jeng pagam siam, cakrok patagok khang. Langiu di nan, sa-ai Phi jeng lac sa dalam biak takik urang  gah Barak ngak tabiak jeng phun pa-nat pajaih tui jalan cakak pagam meta phun./.

Urang lang: Jasi-8/1