-Bein sang ông Thuận hu jaik 4 mẫu taneh pala labaih 500 khóm gấc cao sản. Yaok khóm ông pala klau phun tui hình tam giác. Hadei di 8 bilan pala saong pasang iek, phun gấc daok hu baok paik; năng suất bilan akaok meti hu labaih 6 tấn. Tui yaom pablei jaik 10 triệu đồng/sa tấn, ông Thuận mek tame hu labaih 60 triệu đồng.

-Ala halui dhar gấc, ông daok pala dom phun pala yau: rềng ta, ritak lo, ritak tương… kayua pala pablak daong pandar hu taneh balau, takik pren ngak hareik, pandar khak vô cơ rilo chất dinh dưỡng, paglaong jien mek tame. Dom thun patui di nan, meng pandar njauk kỹ thuật, năng suất phun gấc cao sản tagok meng 25 tal 30%.  Thun 2018, năng suất mek hu labaih 12 tấn, ngan saong yaom pablei di darak pasal urak ini lac 15.000 đồng/sa kg, sang ông meda mek tame hu labaih 180 triệu đồng.

Tui ông Thuận, jien buh tame pala gấc oh praong. Meyah ngak mejam haong geng kreim saong talei cuốn mek meng talei cáp điện thoại, jien buh tabiak ngak tuk akaok mereip tok abih jaik 20 triệu đồng/sa ha (hu kuhria gam jien pajaih). Meyah ngak mejam bê-tông saong jalan ống ia, ngak vòm ye jien buh tabiak meng 40 tal 45 triệu đồng/sa ha. Min, tuk phun gấc praong saong cakrok siam meda paik hu dalam labaih 20 thun.  Ông Thuận daok hu panuac kakei lac: meyah pala takik di bein sang oh njauk sahaneng rilo ka halak halin, daok tuk pala praong njauk caik hatai dom janih halak yau: halak hijao, rệp, nhện bhong, roi kanyik…saong dom ruak: blang hala, kanyik hala, tuyết trùng…Piah takik halak, khik caga năng suất, sản lượng saong chất lượng ka phun gấc, urang pala njauk gam gam mbeik dhar, cakak tỉa dhar piah pataom dinh dưỡng raong baoh, pruh jru pametai halak yaok 20 harei sa mbang, pambuak pagam saong dom janih bẫy mek roi kanyik, mek halak meng tangin ka phun.

-Kuhria rah tapa, yaok adit, ông paik hu labaih sa tấn saong urang blei mai blei tal bein. Tal bilan 12 saka ia bilan tuk paik blaoh, phun gấc druh jaik abih hala, tal bilan sa atau bilan 2 tui lingik tasik, tuk hu hajan xuân ông meng cakak talei saong cakak dhar, caik veik got meng 0,6 m - 1m piah phun tamuh caduk barau. Dom thun jaik ini, nhiệt độ bilan hè meda tagok tal 37- 39 độ C, meyah cakak talei, cakak dhar awar, phun gấc meda tabiak baoh njauk kreih bilan hè di tukvak pandiak bhang, gam lihik rilo pren pruh ia bo năng suất meda trun takik, yau nan ye, ông bhian kakak tỉa dhar suai piah tuk puac bilan hạ tapa bilan thu, lingik la-ar bingi phun gấc meng tabiak baoh, cakrok drah samal saong tuk halei khik ka baoh gấc hu chất lượng glaong di abih./.