#Caga phun anek:

Tram asar pajaih dalam ia  pandao 30 độ C meng  2-4 tuk. Hadei di nan ba asar nao pa-auk dalam haluk, samlei pasah atau dalam asar  nén pabam asar. Asar pacah meta hadei di  10-15 harei. Lahong mbuan pala, pala hu di rilo janih haluk karei di gauk, độ PH lagaih meng 6 – 6,5. Njauk palih haluk tathuak ia samar. Taneh pala lac taneh rilo atau taneh hacih lac hu. 

#Ngak taneh:

Taneh brei li-ua biak dalam, brei jaN sit tagok ro glong 40-50 cm dut song mbaok haluk, dom ro atah di gauk meng 2-2met meteh , mbaok ro prong  1,6 tal 2 m di mblang hamu beir  mbuan dauk ia, ye ro brei pok glong tagok. Raok lubang pala  60x60x30, di kreik ro atah di gauk  2m sa lubang. Yaok  sào pala meng  80-90 phun. Meyah pala phein ye  đường kính phein  meng  60cm, dalam labaih  50cm lac hu  (Atau pala thùng xốp janih prong).

#Iek glang- pruh ia

Lahong lac janih phun njuk rilo ia min biak mbuan bruk. Yau nan ye njauk pabak ginup ia ka phun dalam bilan pandiak song tathuak ia siam ka phun dalam bilan hajan atau tuk dauk ia. Ngak hareik: hareik  nyu meblah  dinh dưỡng song lac labik daok di halak. Njauk ngak taom dar gha. Pacang gha: mek pong atau hareik thu pakauk pacang taom dar gha dalam bilan pandiak piah khik pasak song khik nhiệt độ lagaih ka phun. Pacang caga ruak Nhện đỏ: Bhian palai kaik phun dalam bilan pandiak, di gah ala mbaok hala. Hala njauk ruak hu  đốm katam, saluah, hadei di nan hala thu song jaruH. Pacang caga: Pruh jru pametai halak pakat glong meda pandar hu biak lavik song pacang caga rilo janih ruak ka phun lahong.

#Paik boh

 Meng  5-7 bilan hadei di tuk pala, boh prong di abih. Mong iek tuk kanduh jangaih tagok, hu sambo katam di akaok boh (ieu lac lahong tagok klik) tuk ni Katak dalam phun sre tabiak jangaih song boh tasak ye meda paik hu. Njauk sangka paik boh tuk langik pandiak piah boh oh njauk bruk ia. /.