-Phun sachi hu asal meng Nam Mỹ, daok dalam pajaih thầu dầu. Ini lac phun hu rup sro, lagaih pala di libik hu khí hậu nhiệt đới saong tamuh siam di rilo janih taneh karei di gauk. Sachi lac janih phun pandar hu ka rilo bruk, meng asar, dhar, hala, gha jeng hu pandar piah ngak pandap mbang, mỹ phẩm saong jru tavao. Kadha “ urang  ngak hamu caong thau “ adit ini daa mikva duah thau ka bruk pala phun sachi di tỉnh Hòa Bình:

-Di tỉnh Hòa Bình, Công ty cổ phần Inca Việt Nam pambuak bruk saong urang nong dom huyện Lương Sơn, Kỳ Sơn, Đà Bắc, Kim Bôi, Tân Lạc saong ban sit Hòa Bình pala hu 100 ha sachi ngan saong 50 ha daok paik baoh. Saai Lý Văn Điểm daok di palei Ngọc Hạ, xã Hợp Thành (Kỳ Sơn, Hòa Bình) brei thau, bilan 4-2017, sang saai hu ngak pasiam taneh, ba sa héc-ta taneh bein saong taneh pala tabau takik kein laba tapa pala 2.000 phun sachi. Labaih meteh thun kaoh mek hu hala saong phun daok tabiak baoh mbang camereip. Urak ini, sang saai Điểm paik hu klau mbang hala pablei ka công ty yaom 10 rabau đồng/sa kg hala that saong 40 rabau đồng/sa kg hala thu. Kayua phun barau pala, baoh barau tabiak yau nan ye saai Điểm tok paik hu 20 kg baoh dalam mbang paik baoh akaok mereip saong yaom pablei 30 rabau đồng/sa kg baoh thu saong 50 rabau đồng/sa kg asar.

-Tui kuhria mboh di bhapbini palei Bưa Lay, xã Địch Giáo, huyện Tân Lạc, angaok taneh praong 1,2 ha sachi pala iek dahlau, hadei di sa thun paik hu mbang akaok mereip mek jien tame hu labaih 78 triệu đồng. Năng suất hu jaik 1,3 tấn asar thu sa ha. Ngan saong janih phun ini, dalam thun akaok mereip, năng suất kuhria rah tapa hu sa tấn tal 1,3 tấn/sa ha baoh thu saong mek hu klau tấn meng thun ka klau tagok. Laba yaok thun meng 150 tal 200 triệu đồng/sa ha. Trạm pachreih nong, pachreih glai huyện Kỳ Sơn taong yaom: bruk patagok pala phun sachi rik daong oh sit ngak tabiak pandap phun pala praong, ba bruk ngak, paglaong jien mek tame ka urang ngak di palei pala.

-Meng dom siam lagaih tuk akaok mereip meng pala phun sachi, tỉnh Hòa Bình daok kuhria pambak praong taneh pala janih phun pala ini; dalam nan sangka ba tame pala di dom bein tạp, di taneh ngak padai saong pala tabau takik kein laba. /.