Măng tây xanh lac phun brei rabung meda yaok harei piah ngak pandap mbang hu rilo dinh duong, nan ye njauk pruh ia ginup yaok harei. Sa-ai Hùng Ky, urang hu ilamu pala măng tây hijao di An Hải  brei thau: pala janih phun ini, ia pruh oh rilo, min brei ginup. Yaok subuh page, peih van hệ thống pruh ia  sit sit, ia pruh bak hamu, jaik sa tuk ye phun trei ia.

Gam saong khak drak, ia pruh lac sa bruk ba tal năng suất rabung rilo atau takik. Bilan hajan brei tathuak ia biak siam, oh caik ka nyu dauk ia tapa 24 tuk, meda ngak brei rabung nyu vaiy, phun rabung nyu bruk, oh tabiak rabung  atau rabung oh siam, oh bingi, oh kaoh pablei hu.

Ngan saong taneh pala praong, pruh ia tui ar lac jalan bhian hu ngak kayua abih takik jien. Tui bruk di urang pala, jeng meda pruh ia tui jalan nhỏ giọt atau pruh phun sương.

          Rabung bhian tamuh praong di tuk melam. Yau nan ye, oh brei pruh ia ka rabung hadei mong 17 tuk  biar harei, kayua pruh ia tuk nan ngak ka rabung nyu vaiy akaok, pacang rabung praong tagok di melam nan, ngak trun takik tabung di harei hadei. Mikva tok pruh ia ka phun tabung tuk page yaok harei, hadei meng kaoh mek tabung yaok harei di tuk page blaoh.

  Rabung măng tây xanh hu pala di taneh An Hải (Ninh Phước, Ninh Thuận) meng 8 thun dahlau, tal harei ini jeng janih njam hacih sa-at rilo dinh duong danei angan di bhum taneh bak pandaik labaih ngin, tuk halei jeng oh ginup pablei ka dom sieu thi praong yau Ha Noi, Ban Raya HCM…Tuk camereip, tabung lac phun patruh iek ptarun kan kathaot, min tal urak ini jeng phun ngak kaya meda di rilo baoh sang, taneh pala oh padeih hu peih praong, urak ini lac labaih 30 hecta.

Mikva urang nong di An Hải thau pambuak saong doanh nghiep piah ngak tabiak tui chuoi gia trị  meng bruk pabak khak,  jao brei ilamu ky thuat tal tuk kaoh mek tabung, sơ chế saong pablei tabung. Urak ini, meng hu mbaok doanh nghiep, hu bruk daong di tỉnh, urang ngak nong hu peih praong taneh pala, dauh jien tame  ralo di abih meng mblang taneh di drei. Pala tabung , urang nong tok kuhria pala, daok bruk pablei hu tani tanat kayua doanh nghiep mai blei tal hamu, yaom kaom gap mbiah, meng 60 – 80 ribau đồng sa kilo, kuhria raha tapa pala sa sào tabung yaok bilan duah hu labaih kurang 15 trieu dong.

Kadha “Nhà nông cần biết” adit ini tal ini likau padeih. Kadha ini kayua Rayo sap ndem VN pambuak saong Pasak pacheih nong negar  ngak.