Labik pala bimao di sang ong Hoàng Việt Hùng 

Hu bruk daong meng pasak pachreih ngak nong Hưng Yên saong pambuak haong chuỗi giá trị pala bimao mbang haong bimao piah ngak jru javao, ong Hùng ngak meng dom kadung ngak pajieh – raong pala – kaoh mek saong pablei bimao. Dom bruk pablei salih – rami ramik pandap panda – tame kadung – ngak hacih saong pabam pajaih, oh blei meng dom labik ngak bimao hu angan je daok dalam atau langiu tỉnh.

Janih bimao pasak bo ong Hung pilih ruah piah pala lac bimao nấm sò- janih bimao hu rilo manuac sia takre, mbuan pablei.  

Meng bruk mek katut raong atah, tal urak ni ong Hùng peih praong bruk pala tal 70.000 kadung bimau sa thun, sản lượng mek hu jaik 20 tấn bimau that dom janih, jien laba hu 250 triệu đồng sa thun, oh pandar khak halei, atau janih jru khik caga phun pala. Mada maong ini lac sa bruk ngak siam ka alam..

Meng bruk pala bimao di sang on Hùng brei mboh lac: ngak bimao brei hu rilo ilamo. Meng bruk ngak hacih saat sang pabam pajaih tal bruk tuh ia khik bimao  yaok harei, oh nyaom kim loại trak saong dom janih vi sinh vật ngak khut khat. Bruk taoh kadung, raong pala, kaoh mek bimao saong blei veik pandap panda dak njauk, hu ilamo. Sa bruk halei oh njauk ilamo jeng ba nao tal lahik abih.

Phun bimau bhian radap haong alam. Yaok vaktu praong tagok di bimao brei jeng hu nhiệt độ, ẩm độ saong ia harei karei di gauk. Nan ye urang pala njauk tui iek kajap langik alam, paih ngak pasiam nhiệt độ, ẩm độ saong ia harei dalam sang pala bimao ka siam lagaih, mada tagok, trun atau padeih tuh ia ka phun bimao, jang yau gam, peih atau pacang meneing dom pambang ka ia harei tame ka bruk pala bimau...

Jak jeng dalam bruk pala bimao, ong Hùng mboh lac: piah pala bimao hu kien laba, bac magru tapa tapuk siphau saong papang pato tacei di tal bac lac oh ka ganap, brei hu dom urang gah pachrieh nông pato takei ngak bruk, atau ngak mbang pah dalam sa sang pala bimao halei nan, tal tuk thau cambaih meng ba tangin tame ngak pala bimao. Njauk pala bimao njauk vaktu piah plaih khut khat kayua langik tasik./.

Urang lang: Đàng Thảo - 25/12