Urak ini baoh bao but sit cak rok khang saong palai kaik trak dom bein thanh long di tỉnh Binh Thuan

Baoh bao but sit mebaoh rilo saong palai kaik khang dalam bilan hajan tuk ẩm độ glaong saong nhiệt độ ala 30 độ C. Di Bình Thuận, baoh bao but sit bhian palai kaik khang di puac bilan hajan meng bilan 9 tal bilan 11 yaok thun.

Dalam tỉnh Bình Thuận urak ini hu 33.750 ha thanh long daok dalam tukvak puac vụ mùa, daok truac gom vụ cagar. Yau nan min, tapa duah thau di bilan  9/2021, urak ini baoh bao but sit cak rok khang saong palai kaik trak dom bein thanh long di tỉnh ini ngan haong mblang taneh 958 ha, tagok 324 ha dut haong tukvak ini thun dahlau.

Anak bruk yau nan, ong Đỗ Văn Bảo - Akaok Chi cục Pala drak saong khik caga phun pala (BVTV) tỉnh hu kakei dom jalan ngak piah patrun khat lahik meng baoh bao but sit ba mai ka phun thanh long.

Tui nan, sa dalam dom jalan ngak nan lac urang nong njauk rami ramik bein ka nyu hacih hareik hareim, cakak klaak meneng dhan taha, dhan bruk bram piah ka nyu laneng lanoi gheng thanh long, patrun labik daok di baoh bao. Gam haong nan, pandar dom jalan ngak sinh học yau palao ada tame bein thanh long yaok hecta 10 drei ada piah ka nyu mbang baoh bao. Urang pala thanh long meda pandar cur tapung proi vin taom dhar gha thanh long dalam van biar harei mesup.

Gam haong dom jalan ngak sinh học, Chi cục Pala drak saong khik caga phun pala jeng pachreih urang nong pandar jru mek piah pametai baoh bao. Dalam nan, pandar bingu thanh long, baoh thanh long khut cakak lapih, haleikk tathah, ... srau veik haong jru mek blaoh proi di dom labik aoh bao bhian daok yau akaok gheng, jalan ribaong... tuk biar harei la-pan, jaik sup. Abih di nyu lac, labik hu baoh bao rilo, urang nong pandar dom jru pametai baoh bao yau Metaldehyde, Niclosamide, Saponin. Njauk caik hatai, tuk pandar jru, njauk parabha jeng 2-3 mbang piah pametai hu rilo baoh bao but daok veik di bein./.

Urang lang: Jasi – 06/10