Thau lac bruk padang ngak palei pala birau lac oh hu labik padeih, piah ka yaok bhum palei dak harei dak kaya meda, hadah hadai, dalam vaktu 2021 -2025, Danak dak pakat Negar padang ngak palei pala birau hu Bình Thuận daok brei jhul khang haong rilo jalan ngak paglong, piah yam tagok khang kadang jang ka bhum taneh Duyên hải Nam Trung Bộ, gam haong nan lac“pabah mbang”pambuak saong dom tỉnh bhum kinh te praong gah Meraong negar. Kadha vak angok harak mbao điện tử Thông tấn xã VN ka bruk Bình Thuận pamaong tal padang ngak palei pala birau patagok abih gah.

Ndem tal kadha daoh meyut meyau ye “Daoh dam dara” lac sa dalam dom ragu daoh bhap bini gheih abih di urang Cam, haong ragu daoh ndung bak hatai anit ranam, panuac daoh yamen la-ar brei mboh dom caong khin ka raidiuk haniem phol. Anak dom panuac daoh dam dara, urang Cam bhian pok sap hò atah, tuk glong tuk biar, drut druai mbon njom tame dalam hatai urang pang. Hadei di nan lac panuac daoh yau ndem meyai anit ranam. Da-a mikva saong grauk ayut pang sa ragu daoh Cam “ Daoh dam dara” tui sap daoh di nghệ sĩ Thanh Pháp saong Mỹ Huyền.

Di negar drei, alak tapai, hu labik daok ieu lac alak jeik kayua caik dalam jeik, lac suan yawa di rilo bangsa takik gah Barak negar yau: Mường, Thái saong di Tây Nguyên yau: Cơ Ho, Gia Rai, Ê Đê, Cơ tu...Kadha dom bangsa adei sa-ai harei ini, khol drei duah thau ka jalan ngak saong menyum janih tapai biak yamen bingi ini di bhap bini tapa kadha vak angaok mbaok Đà Nẵng puac adit:

Dalikan “Haduh hatai bilan yuak ” ndom ka dom kan kandah, glaih glar di urang ngak hamu saong bruk haduh hatai tuk pala njauk, yaom lap. Dalikan ini kayua Nyaom urang papar sap bangsa di Rayo papar sap – papar binguk tỉnh Bình Thuận padang ngak.

Kadha daoh “Kak tian ka anek nao bac” tapa sap daoh di Đàng Năng Đức yau brei mboh tung tian di urang maik saong panuac thau dhar phol di sa urang anek tal urang pajeng drei mai.

Ndom tal inem krung ilamo di urang Chăm, oh klaak tapa hu dom bimon kalan, dom patau sarak, dom rup patau… Rah tui bhum kreh negar, labik halei hu urang Chăm daok ye labik nan hu bimon kalan. Kadha nan brei mboh bruk praong glaong di bimon kalan dalam hatai saneng di urang Chăm.

Tết Nguyên Đán lac tuk hu dom rija roya praong abih dalam ilamu di urang Việt Nam. Tết peih tabiak 1 thun bahrau ngan saong dom bruk siam mekre di abih, caong lac 1 thun bahrau hu siam mekre, patuah jamo, jak jeng. Tết jeng lac tuk menuac sia mai sang taom gauk, ravang gauk, tadhau ayuh ka gauk dom panuac siam mekkre di abih. Dalam dom harei Tết, hu dom adat cambat meng kan mai daok hu khik mbiah tal harei ini saong daok jeng bruk siam mekre dalam ilamu harei Tết. Dom adat cambat ini jeng lac piah salih ka panuac tadhau ayuh 1 thun bahrau patuah jamo, siam mekre, salamat.

Gam haong dom labik daong raong - pato kayua karja padang tabiak, rilo labik langiu karja hu jeng baoh sang bui sambai bak hatai anit ranam di anek menuac brei ka dom urang oh patuah jamo dalam raidiuk. Baoh sang bui sambai An Vũ daok di xã Đồng Tâm, huyện Đồng Phú, tỉnh Bình Phước lac sa dalam dom labik yau nan. Da-a mikva saong taong abih gauk pang dalikan “Baoh sang bui sambai An Vũ – Labik daong pabak hatai caong khin ka dom adei sit oh patuah jamo” di Cẩm Nhung angaok báo Bình Phước piah thau jang ka bruk ngak biak hu makna di labik ini:

Lac labik hu ralo urang bangsa takik diuk rai, karja saong bhap bini huyện Đắc Đoa, tỉnh Gia Lai hu rilo sahneng duah piah ba tabiak jalan pathau khan kein lagiah, daong ka bhap bini ngak siam bruk pacang caga jit Covid-19 di palei. Nguyễn Thảo, urang vak di Rayo sap ndem Viet Nam daok di Tây Nguyên hu kadha vak brei thau ka bruk ini:

Oh thau hu meng tuk halei mai, bhap bini bangsa Thái Tây Bắc thau paik rêu di kraong craoh mai ngak pandap mbang. Ngan saong tangin ghieh ngak, tari tarieng di dom muk, dom amaik, rêu hu jeng pandap mbang biak bingi hu rilo urang takre, ngak brei hu rilo janih pandap mbang di urang bangsa Thái.