Kadha daoh “Về thăm cô gái làng Chăm” di Lâm Thanh Bình, tui sap daoh di Man Sour.

Anh Dinh angan lac Lâm Anh Dinh, palei daok di Hamu Taneran, huyen Ninh Phuoc, tỉnh Ninh Thuan. Ndik tapui saong praong tagok dalam sa baoh sang oh hu thei tui gah daoh tamia min meng tuk daok sit Anh Dinh biak gheih daoh saong sa-ai biak takre dom ragu daoh bhap bini Cam. Ragu daoh bhap bini Cam yau njom tame dalam rilow darah di sa-ai saong nyu pambuak pagam haong sa-ai meng tuk daok ranaih tal tuk praong jeng dam.

Bangsa Cam daok di Việt Nam hu gilang ilamu bhap bini biak praong saong biak gheih. Dom bruk hu thau rilo dalam bhap bini, dom yaom glaong ilamu tuk halei jeng hu 1 labik dang praong dalam raidiuk urang Cam. Sa dalam dom yaom glaong ilamu di bhap bini meng kan mai, nan lac dom alat ragam. Alat ragam meng kan di urang Cam njauk ndem tal Ginang, Paranưng, Rabana, Saranai, Kanhi gam chieng, ghaok…

Meng hatai caong khin rik pren ranaih di drei brei ka ragu ragam di bangsa, dalam tukvak tapa, dom urang daok ranaih lac urang Cam yau: Nhạc sĩ Inư Tuấn, urang daoh Vương Rock, nhạc sĩ Hán Văn Trà saong urang daoh Thanh Pháp hu brei tabiak rai dom kadha daoh hu gah chuyên môn taong yaom glaong. Abih di nyu lac bruk daoh hu dua - dua sap Cam – Yuan dalam yaok kadha daoh di drei.

Patagok bruk abih hatai jai di dam dara, tukvak tapa, dom pakat kapul dam dara, Kapol likei kumei Ban raya HCM hu jhul khang bruk ba akaok nao dahlau, halan hatian daong ka raidiuk bhap bini meng dom danak dak, dom bruk ngak cambaic laic, rik daong padang ngak ban raya dak harei dak patagok. Kadha vak di Quốc Linh angaok mbao Tuổi trẻ brei thau ka dom bruk ngak hu makna daong ka bhap bini di dom dam dara dom chi đoàn khu phố di Ban raya:

Thau lac bruk padang ngak palei pala birau lac oh hu labik padeih, piah ka yaok bhum palei dak harei dak kaya meda, hadah hadai, dalam vaktu 2021 -2025, Danak dak pakat Negar padang ngak palei pala birau hu Bình Thuận daok brei jhul khang haong rilo jalan ngak paglong, piah yam tagok khang kadang jang ka bhum taneh Duyên hải Nam Trung Bộ, gam haong nan lac“pabah mbang”pambuak saong dom tỉnh bhum kinh te praong gah Meraong negar. Kadha vak angok harak mbao điện tử Thông tấn xã VN ka bruk Bình Thuận pamaong tal padang ngak palei pala birau patagok abih gah.

Ndem tal kadha daoh meyut meyau ye “Daoh dam dara” lac sa dalam dom ragu daoh bhap bini gheih abih di urang Cam, haong ragu daoh ndung bak hatai anit ranam, panuac daoh yamen la-ar brei mboh dom caong khin ka raidiuk haniem phol. Anak dom panuac daoh dam dara, urang Cam bhian pok sap hò atah, tuk glong tuk biar, drut druai mbon njom tame dalam hatai urang pang. Hadei di nan lac panuac daoh yau ndem meyai anit ranam. Da-a mikva saong grauk ayut pang sa ragu daoh Cam “ Daoh dam dara” tui sap daoh di nghệ sĩ Thanh Pháp saong Mỹ Huyền.

Di negar drei, alak tapai, hu labik daok ieu lac alak jeik kayua caik dalam jeik, lac suan yawa di rilo bangsa takik gah Barak negar yau: Mường, Thái saong di Tây Nguyên yau: Cơ Ho, Gia Rai, Ê Đê, Cơ tu...Kadha dom bangsa adei sa-ai harei ini, khol drei duah thau ka jalan ngak saong menyum janih tapai biak yamen bingi ini di bhap bini tapa kadha vak angaok mbaok Đà Nẵng puac adit:

Dalikan “Haduh hatai bilan yuak ” ndom ka dom kan kandah, glaih glar di urang ngak hamu saong bruk haduh hatai tuk pala njauk, yaom lap. Dalikan ini kayua Nyaom urang papar sap bangsa di Rayo papar sap – papar binguk tỉnh Bình Thuận padang ngak.

Kadha daoh “Kak tian ka anek nao bac” tapa sap daoh di Đàng Năng Đức yau brei mboh tung tian di urang maik saong panuac thau dhar phol di sa urang anek tal urang pajeng drei mai.