Tapa duah thau mboh lac, anek le le –ada ia hu kein laba glaong jang manuk, ada rilo mbang saong tuk halei jeng oh ginup pablei, ong Sa Lê raong iek 50 drei, hadei di nan mboh raong lagaih, samar praong ong raong rilo jang tal 500 drei, bloh tagok 1.000, tal urak ini lac 2.000 drei sa mbang raong.

 Tui ong  Sa Lê, ini lac janih biak kan raong saong brei ngak randap meng raong hu. Oh lac jak jeng dalam bruk raong lele rilo pablei bo ong daok ngak hu bruk kram pablei lele anek ka urang raong di bhum taneran kraong Cửu Long.

 labik padang Var raong le le di ong Sa lê praong labaih 1.000 m²; keih pak kreih lac pulao sitong pala hareik, vin taom dar lac ribaong ia pala njam hang piah mek halui. Pandap mbang ralo lac padai. piah Pacang ka le le klak di tikuk kaik, ula mbang, ong Sa Lê ngak sang pacang sir meng halam nyol kak kajap vil val.

Ong SaLê khan lac, le le tame bilan caik mebaoh meng bilan 7 tal bilan 8, tuk nan dom drei lele dara binai nyu duah tano. Tui eik dom yau lele nan, ong palih ruak tabiak dom yau khang kajap ba tabiakcaik karei, ngak sruh ka nyu mebaoh. Kuhria rah tapa yaok sa drei le le binai mebaoh meng 10 tal 15 baoh.

Le le nan lac athur glai yau nan ye hu prein pacang caga ruak biak khang, takik njauk ruak kik. Ini lac bruk mbuan lagaih ka urang raong. Baoh le le caik anek tal tuk pablei abih meng 6 tal 7 bilan. Tui ong Sa Lê ye yaok drei trak meng 450 tal 500gam lac pablei hu. kayua Lele hu rilo dinh dưỡng nan ye dom urang daok di Bna raya HCM, Can Tho, An Giang dauh blei gam gam min oh ginup pablei, biak damen. Thun blaoh, dahlak pablei hu jaik 1.800 drei, kaoh abih jien buh tame raong, daok labaih laba hu labaih 800 trieu dong.

 Thun 2016, ông brei manuk kram iek baoh lele, hadei di dom mbang ngak eik camereip mboh le le lagaih saong jalan ngak ini. Ngak brei katut kayua tukvak kram baoh katut jang, abih di nyu lac  lele anek hu caik tabaik tui jalan ini mboh khang kadang jang rilo drei pajaih hu karam meng mac kram baoh công nghiệp.

 Urakini, meng taphon lele 2.000 drei di drei, ong palih tabiak dom rituh drei piah mebaoh, brei 70 drei manuk binai karam baoh lele. Hadei di 22 harei karam, ong hu meng 500 tal 700 drei lele pajaih; raong 4 bilan ye meda pablei ka urang ngak pajaih, ngan saong yaom meng 400 tal 500 ribau đồng sa drei. Daok le le rilo ong pablei yaom  meng 550.000 tal 600.000 đồng sa drei.

Meng jalan ngak ini, ong Sa Lê abih takik jien padai saong tukvak kram baoh, patagok jien laba tame mek hu jien tỉ yaok thun.. Jalan ngak ini urak ini hu rilo urang raong le le di bhum taneran kraong Cuu Long  ngak tui. Bruk njauk iek praong nan lac ong tuk halei jeng pato tacei ka dom urang khin raong lele biak cambaic laic, caong khin urang karei hu jak jeng yau drei