Ong Cà Văn Năm brei thau, akok thun 2019, ong raong ada takoi jao. Pajaih ada ini yaom lac raong dalam tukvak suai lavik min rilo bingi pahe, hu rilo urang takre blei. Jeng tui ong Năm, piah ka taphon ada praong siam, hadei di 15 harei blei pajaih njauk klauk jru vaccine caga jit aih caraoh. Meyah iek glang siam, hadei di 4 bilan raong, ada praong trak hu meng 1,9 tal 2,2 kilo sa drei. Tuk nan,  pablei tabiak darak hu yaom glaong jang. Kuhria rah tapa dalam 4 bilan, ong pablei tabiak darak hu labaih 600 kilo ngan saong yaom pablei 100 ribau đồng sa kilo, mek hu 60 trieu dong, kaoh abih jien buh tame ngak daok laba hu labaih 21 trieu đồng. Dut saong dom janih raong karei, ada takoi jao lac sa dalm dom janih raong ba mai kein laba glong.

  Dalam tuk raong ada, sa adit ong brei pruh jru, proi cur vin taom dar var ro 1 mbang nan ye ada tuk halei jeng hacih sa-at. Piah ngak ka ada hu rilo pahe bingi, 2 bilan akok, ong Năm brei ada mbang haleik kaook, 2 bilan daok veik, brei ada mbang hleik brah, haleik tangei sraw saong njam patam. Abih di nyu lac, ong Năm daok raong laneng piah pabak dinh dưỡng ka ada sa adit sa mbang. Meng raong yau nan, oh lac pabka prein khang ka ada pacang ruak kik bo daok ngak ka  rilo ada pahe bingi jang. 

  Urak ini, ong Năm daok raong 1.300 drei ada. Piah bilan halei jeng hu ada pablei tabiak darak, ong parabha var ro tabiak rilo binah, raong ada tui taphon praong sit karei di gauk. Dahlau diah, yaok harei taphon ada mbang pandap abih 1,4 trieu đồng. Hadei di sa thun raong saong hu ilamu, ong brei pabak dom pandap mbang mbuan duah yau tangei, bei, takik abih jien jang. Langiu di nan, ini lac pajaih ada hu prein khang yau nan jien blei jru caga ruak takik. Dalam tukvak anak tal, ong brei peih bruk raong glang. Meyah raong ada takoi jao ralo, meda ngak kaya meda hu. 

Langiu di raong da takoi jao, ong Năm daok raong 6 drei kubao kreik dalam var saong 20 yau dúi piah paglaong jien mek tame. Taphia di nan, ong Năm daok hu pala 300 phun pa-ok pagam dhar, 400 phun patei. Tui kuhria, 2 thun tra, meng bruk raong glang saong pala phun mbang baoh, yaoak thun ong laba hu dom rituh trieu đồng.

Bruk ngak di ong Năm ba mai kein laba glong, tani tanat. Kayua yau nan ye, rilo bhap bini daok dalam saong langiu xã mai rivang iek, duah thau, bac megru ilamu piah ngak tui ka sang drei. Tapa bruk ngak di ong Cà Văn Năm brei mboh, ada takoi jao hu lagaih saong bruk raong glang di palei, abih takik prein tui iek, jien mek tame ralo. Lingiu di nan, urang khin blei dak harei  dak rilo, nan ye bruk raong ada takoi jao lac  jalan ngak mbang ba mai kein laba glaong ka bhap bini, rik daong paglaong mbang ngui, daok dang di bhap bini, ngak hu bruk padang ngak xã palei pala birau./.

Urang lang: Aí Nghiêm  2/9/2020