Hadang rong mek hu siam pablei hu yaom glong 

Thun 1999, ong peih bruk raong hadang sú. Piah hu jak jeng yau harei ini, sang ong njauk yam tapa biak rilo kan kandah, rilo thun gam njauk tavak sraiy. Nan lac di thun 2012, kayua oh ka hu rilo ilamo raong hadang sú nan ye 4 danao raong di sang ong njauk jit ruak, khat lahik labaih 1 tỉ meteh. Min, bruk khat lahik nan nyu daong ka ong Tiệm hu rilo jang ilamu. Ong kham merat pasiam veik bruk ngak mbang kinh tế di sang meng drei hadang.

  Meng hu yau nan, tal urak ini sang ong hu sa labik raong hadang prong labaih 2 ha, hu 11 danao raong. Dalam nan, danao prong abih lac 2.000m2; danao sit abih prong 900 m2. Taong abih danao raong hu pambuak pagam haong gauk saong hu padang ngak khang kajap, rilo meng raong hadang thẻ takai mbong saong hadang sú. Ini lac dua janih hadang hu urang blei mbang rilo di abih. Yaok thun, sang ong pablei tabiak darak pasar labaih 17 tấn hadang dom janih.

Ngan haong jalan ngak lac “bingi di pajaih, hacih di hatai”, dom thun tapa, ong Tiệm pataom tame ilamu công nghệ, salih jalan raong, ngak tui jalan VietGAP. Dut haong bruk raong ikan tui jalan meng kan, ye bruk raong hadang thẻ takai mbong saong hadang sú hu laba jang dom pluh mbang. Urak ini, labik raong praong di ong daok pambuak bruk hong jaik 100 labik raong sit daok dalam saong langiu huyện piah klah rabha ilamu raong hadan”, ong Tiệm khan brei thau yau nan.

Klah rabha ilamu raong hadang hacih, ong Tiệm brei thau hadang bhian njauk ruak gan saong tụy nan ye bruk cih vak nhật ký danao raong lac bruk njauk ngak, daong pasang iek dom janih dahlau abih yau halau aia, pandap mbang, drei pajaih…, piah patrun bruk nerak alam môi trường, patakik jit ruak..

Hadei di yaok mbang srong mek, njauk tathuak ia klak; ngak hacih sa-at danao raong. Brei danao padeih 15 harei meng raong veik mbang bahrau. Dahlau di tuk raong, aia brei ngak hacih sa-at meng chế phẩm sinh học daong pachreih patagok dom janih pandap mbang hu dalam aia ka hadang yau tảo, phù du, sinh vật sit…

Meng raong hu laba tuk akaok mereip, ong Tiệm brei buh jien tabiak ngak sang raong hadang hu tabung pacang ngan haong jaik 30 baoh danao xi măng, yaok baoh praong 36 m2. Meng sang raong ini, ong Tiệm patagok bruk raong meng 2 mbang tagok jeng 3 mbang dalam thun, tuk akaok mereip mboh hu laba./.

Urang lang: Jasi -4/8