Mboh pablei hu tani tanat, yaom pablei glaong nan ye sang amuk Chút daok di khu phố 3, phường Văn Hải, ban sit Phan Rang-Tháp Chàm, tỉnh Ninh Thuận raong palao rilo gà nòi lai piah patagok kinh tế ka sang. 

  Amuk Chút brei thau: thun 2013, hu menuac krein, urang randap yaih khan ka gà nòi lai di Bến Tre, 2 diuk pasang ong nyim kamuan kamei hu pasang di Bến Tre blei brei 100 drei menuk pajaih mai raong iek. Mboh janih menuk ini mbuan raong, takik ruak, ralo bingi, ba pablei jeng hu urang kakei blei gac, yaom pablei glaong, tani tanat min oh daok menuk piah pablei, amuk ginum haong pasang tame tal Bến Tre piah bac megru ilamu. Amuk blei 500 drei pajaih tra, padang ngak var ro, peih praong labik raong. 

Tuk pataom hu rilo ilamu, amul Chút patagok tapon menuk saong tame tal Bến Tre piah mek menuk anek pajaih. Dalam var bhian hu labaih 500 drei menuk ralo piah pablei, nan oh ka ndom tal tapon menuk bahrau palao raong. Kayua gà nòi chất lượng glaong, asal pajaih cambaih laih, yaom pablei glaong, meng 80.000-90.000 đồng sa kg nan ye amuk sahanang hatai buh jien tame raong gà nòi lai.

Tui amuk Chút, piah raong hu gà nòi brei thau cambaih ilamu kỹ thuật, dalam nan brei patrun patakik bruk menuk tram gauk.. Vệ sinh phòng dịch lac kadha praong dalam bruk raong jeng atau oh. Patui di nan lac pandap mbang brei khik hu chất lượng saong plaih palai pajoa pandap mabng, ia menum jeng brei khik haci hacih.

Abih di nyu nan lac, njauk klauk vắc-xin ka tapon menuk njauk harei quy định. Bhian tui iek tapon menuk piah thau drei halei ruak piah caik daok karei, raong pasiam veik saong sangka tui iek abih tapon piah plaih njom mbak. Alak tỏi hu sang amuk tram piah pabak pren ka menuk pacang ruak kik, menuk hu khang kadang.

Dom máng mbang saong máng menyum jeng bhian pruh jru pametai anek ruak. Yaok mbang pablei bloh njuak puh ramik haci hacih var ro, salih nền trấu bahrau nan ye var ro takik mbau, laneng lahơi. Taong abih janih tauk nền klak hu ba nao ủ hoai haong khak limo piah prai ka bein nho, medar saong bein njam di sang

Daok bruk mbang, brei menuk mbang pandap mbang công nghiệp, harei brei mbang 2 mbang di tuk mesup page saong biar harei. Jalan pandiak brei mbang padai, tangei tuk haong njam lăng, njam puan, phun patei, srau haong mekuac, brah, tangei, pabak vitamin C tame ia ka menuk menyum. Sang amuk caik sa mblang taneh pala njam, patei piah pabak njam hijao ka tapon menuk. Meyah lingik la-an, dalam pandap mbang di menuk njauk pabak hasit chất men atau alak tỏi piah patagok pren pacang caga ruak.

Urak ini, yaok bilan amuk Chút pablei sa mbang menuk ralo, yaok mbang meng dom rituh drei, yaok drei trak meng 1kí 6 – 2 kg (menuk binai) saong trak meng 2 kí 2 – 2kí meteh (menuk tano). Tui yaom pablei meng 80.000 - 90.000 đồng sa kg (tukvak raong 4 bilan), ba mai ka amuk Chút jien laba labaih 30 triệu đồng sa mbang. Hadei di yaok mbang pablei, amuk palao raong tapon bahrau, meng nan bo var ro tuk halei jeng hu ginup menuk pablei..

Anak tal, sang amuk Chút daok kuhria blei jamriak kram baoh piah ngak iek saong bac megru rilo jang ilamu piah eng drei ngak hu pajaih, meng nan meda pabak drei pajaih ka mikva dalam palei.

 Kadha “Urang ngak hamu caong thau” adit ini tal ini likau padeih. Kadha kayua rayo sap ndom VN pambuak haong Pasak pachreih nong negar ngak.