Tui Cục khik caga phun pala, ruak njaom mbak tapa phun pajaih, meyah oh hu jalan pacang caga, pametai anek ruak khảm biak catang saong pasang iek siam chất lượng pajaih ye ruak meda njaom mbak biak samar. Dom puk palei duah mboh ruak khảm njauk samar tacei pato urang nong samar khoanh vùng, pruh jru  pametai virus bọ phấn mbong, pametai abih dom anek ruak, tacei pato urang nong salih tapa  phun pala karei saong ngak siam bruk kiểm dịch nội địa piah pacang cakak, langyah dom bruk pablei salih, ba pajaih meng dom bhum daok hu jit tapa labik karei.

Jalan pacang caga ruak khảm yau hadei ini:

- Palih ruah pajaih pala drak: Palih ruah pajaih pacang caga ruak, juai pala dom janih pajaih njaom ruak yau pajaih  HLS11, KM 419, KM 140 ...

- Jalan ngak luân canh: Juai pala bei plom atau phun ký chủ di bọ phấn (yau phun pakao hala, kapah, traong nde, traong ang, baoh daak baoh kadhaoh, bei prang, amariak, …) di dom labik njauk ruak khảm hala takik di abih lac sa vụ.

- Pandar bẫy tual angaok mblang hamu piah pametai bọ phấn mbong

- Dom labik mbuan si tamuh ruak khang njauk pruh jru pametai bọ phấn meng jru khik caga phun pala yau Ikuzu 20 WP (hoạt chất Dinotefuran), pandar 320g ka yaok ha saong Longanchess 750 WP (hoạt chất Pymetrozine) 300g ka sa ha pruh 400 lít/ha, pruh pasah abih tán hala bei plom, phun tuk bọ phấn bahrau caih ye siam lagaih jang.

Khoanh vùng saong pametai anek ruak tui quy trình di Cục Khik caga phun pala, pandar haong dom mblang taneh pala bei plom hu ruak < 70% dom phun njaom ruak, buac dom phun njauk ruak (dalam nan hu gam củ), pataom mek bloh ba nao am cuh klaak; Am cuh taong abih mblang taneh pala bei plom hu ruak > 70% dom phun njaom ruak ye buac taong abih phun pala, pataom veik blaoh am cuh  klaak. Dom mblang taneh pala bei plom meda buac mek hu ye buac abih phun bei plom, mek bei daok phun saong hala ba nao am cuh klaak. Oh pandar hom pajaih hu njaom ruak khảm.

Suai lavik, Cục khik caga phun pala daok pambuak bruk haong dom kapul nyaom piah roh duah, mong iek bruk blei meng negar lingiu tame anek dangko ký sinh piah pacang khik virus bọ phấn mbong. Ieu dom viện, sang bac roh duah palih ruah dom pajaih pacang cakak hu vi rút ruak khảm./.