Meng puac thun 2017 tal ini, sa dalam dom janih phun pala praong di dom tỉnh  Tây Nguyên saong Đông Nam bô yau Đồng nai, Bình Phước lac amraik kalu, min oh thau habal gaok ruak metai samar, metai suai ngak ka rilo taneh pala phun ini dak harei dak metai saong pambak praong. Kadha “Urang ngak hamu caong thau” adit ini, daa mikva saong grauk yut duah thau ka dom jalan pacang caga dua janih ruak ini di phun amraik kalu:

#  Ngan saong ruak kanyik hala metai suai:

Ini lac ruak mai meng bimao njom tame gha amraik kalu tapa libik huen di gha kayua tuyến trùng, rệp sáp gha mbang tame. Phun amraik kalu mboh cakrok suai, hala kanyik. Hala, bingu, dom meta saong baoh jeng druh meng ala gha tagok jhung, oh lac druh saong layau meng caduk trun yau ruak metai samar. Gha phun ruak hu dom inem nâu jhuk, livik livik harei inem ruak pambak praong ngak bruk kanduh got, bó mạch di phun salih tapa sambo màu nâu. Tuk ruak trak, taong abih got saong gha phun amraik kalu nyu jhuk, bruk, hadei di nan phun metai thu. Tukvak meng mboh lac ruak ka tal tuk metai meda dui atah sa thun, ruak ngak metai gam geng atau 1-2 talei.

-Jalan pacang caga: Gam gam tui iek piah samar mboh ruak. Tuk suai mboh ruak: phun kanyik hala saong druh ye pandar jru hóa học atau dom bruk kỹ thuật halei piah pasiam bruk ini. Sang bein njauk pandar dom jalan ngak tổng hợp yau: buh khak cân đối, buh rilo khak hữu cơ, buh cân đối meng đạm saong kali. Tuk phun njauk ruak kayua 2 janih ngak tabiak lac bimao saong tuyến trùng, njauk caik hatai pandar abih dua janih jru tuyến trùng saong bimao. Pruh ia dua mbang, yaok mbang atah di gauk 15 – 20 harei.

#  Ngan saong ruak metai samar kayua bimao:

 Ini lac ruak biak trak. Ruak meda njom tame saong palai pajoa phun meng dhar, hala, bingu, baoh ka tal takoi gha saong gha. Min, jhak di abih saong ngak ka phun amraik kalu metai rilo lac tuk ruak mbang tame takoi gha saong gha gah ala. Tuk nan phun amraik kalu daok that siam bloh thu layau biak samar, druh hala meng akaok got trun ala, asar amraik kalu thu sit veik, rak gah dalam phun nyu jhuk, hadei di nan druh lóng, druh đốt, nọc amraik kalu meda metai abih dalam 1 – 2 adit.

-Jalan pacang caga: Ruak ini pacang caga lac bruk praong, njauk caik hatai tal jalan tathuak ia dalam bein. Tuk mboh dom triệu chứng akaok mereip ye talei amraik kalu gaok bimao ruak mbang tame gah dalam meng 2 – 3 bilan dahlau nan. Kayua yau nan ye, njauk pambuak pagam rilo jalan ngak samu gauk saong samar drah meng tuk padang ngak bein, kuhria caga phun pajaih, kayua meyah caik tal tuk ruak pambak blaoh meng nduac nao blei jru mai ye oh pasiam hu ruak; pilih ruah pajaih amraik kalu hu pren caga ruak siam, mek pajaih hacih ruak; kuac raok  jalan tathuak ia tuk hu hajan; gam gam puh ramik hacih bein amraik kalu, ngak hacih hareik; buh rilo khak athur; buh khak cân đối meng đạm saong kali, daong pasiam gha, pabak vi lượng piah bein phun cakrok khang; dalam tuk pasang iek, ngak hareik, buh khak, kham merat plaih ngak saloah got, gha amraik kalu, piah patrun patakik bruk mbang tame di bimao ruak./.