Sa-ai Cao Xuân Hoàng brei thau, palei di sa-ai lac bhum atah bayah di huyen saong tỉnh, piha pala phun hagait, raong anek hagait hu kein laba, hu labik pablei tani tanat, tuk halei jeng lac bruk kan kandah ngan saongdom urang ngak nong di labik ini.

Hadar veik dom harei camereip birau paha taneh pala phun, sa-ai Hoàng sahaneng lac, drei ngak tui hatai saong gaok patuah jamo, kayua trang trại ini lac dom mblang hamu pala njam patam, min pala bei ye halak mbang, pala ratak lo ye bruk bram, hu dom phun lavik thun tamuh eng di tapen jalan jeng oh praong hu.

Piah pala hu dom phun mbang baoh, sa-ai Hoàng khang hatai pah mac kuac taneh, dalam trun meteh mét, kuac taong abih haluk angaok mbaok lam trun gah ala, tableik taneh ala tagok angaok veik, blaoh kuac lubang, buh khak pala phun. Biak patuah, yaok  phun jeng tamuh samar siam that hijao, brei rilo baoh yau harei ini. 

Bruk ngak di sa-ai Hoàng hu dom pakat karja palei daong palagaih lagiah yau: brei pah taneh hamu, daong yaom jien phun pajaih, brei nao rivang iek bac megru ilamu ky thuat pala phun mbang baoh tui jalan VietGAP... Nan ye, hadei di 3 thun, sa-ai Hoàng peih praong taneh pala hu 2,5 ha phun mbang boah dom janih, dalam nan hu 0,5 ha phun patei boah manuk, 0,4ha baoh uaic  lê Đài Loan, 0,5 ha kruac bung saong labaih 1 ha kruac Vinh, druac Canh, yaok rituh phun panat đặc sản.

Piah duah hu rilo jien mek tame saong hu jien yaok bilan dalam thun, dom thun jaik di ini, sa-ai Hoàng pala pabak dom janih phun mbang baoh yau truac, trauc bung, panat, uaic dom phun cảnh hu pasiu yau truac Canh, truac bung Diễn. Sa-ai daok nao tal bhum ceik Yên Bái, duah blei pajaih truac bung đào mai pala, trang trai sa-ai hu trauc bung paik baoh di akok bilan 7 tui saka ia bulan.

Meng ilamu dalam bruk ngak, bruk pablei salih hu di drei, sa-ai oàng hu panuac lac: ngan saong dom urang ngak bein pala phun mbang baoh, dom thun camereip njauk parabha taneh pala ka nyu lagiah, dom phun samar paih baoh yau patei, táo ổi…taphia dom phun pala suai lavik meng brei baoh yau: truac, trauc bung, darang, panat, sapoche. Hu yau nan, meng samar duah hu jien piah buh tame peih praong bruk pala drak, trun takik bruk hu rilo boah ye yaom pablei lap, atau hu yaom ye baoh hu takik./.