Ilamu papaok baoh ka baoh darum Đài Loan

Phun darum Đài Loan meda pala hu luac thun min siam di abih njauk pala dalam bilan 2, bilan 3 tuk langik hu hajan ginup tathah taneh. Pala darum talei ini atah talei daih meng 4-5m, pala blaoh njauk pruh aia chip piah ka gha di nyu taom gaok haong taneh hu siam jang. Njauk pala gam 2 phun di sa lubang piah abih takik phun jien saong hu baoh rilo jang.

-Pala phun: Tuk pala, takac lubang di kreh mô, caik bầu phun anek trun lubang yau habar ka mbaok bầu glaong jang mô meng 3 – 5cm. Mek haluk ngak ka nyu pasoh vin taom dhal mbaok bầu saong kateik haluk trun khang khik ka phun dang tapak. Hadei di tuk pala blaoh brei pruh ia chip ka phun samar tabiak gha.

Pruh aia

Darum Đài Loan laghaih haong langik hajan rilo kayua gha di nyu tamuh siam dalam taneh pasah. Njauk khik ginup pasah tuk bahrau pala saong tame bilan thu brei pruh ia rilo jang. Tuk vak phun daok prong saong tuk baoh si tasak njauk caik hatai pruh ia njauk saong ginup.

Pacang caga hareik

Piah pacang caga hareik, siam di abih khaol drei njauk ngak ka taneh nyu pasaoh saong buac hareik ka nyu hacih. Piah patakik hareik tamuh khaol drei meda buh pong vil taom dhal gha atau phun khak that. Yaok thun 2-3 mbang kuac haluk vil val gha ka nyu laneing, lahơi.

Cakak dhal, mbeik phun

Piah hu rilo baoh saong hu baoh mekre, siam, njauk cakak dhal saong kataik jhung. Cakak klaak dom dhal biak glaong piah khik ka dhal phun nyu biar meng 1,5 tal 2m piah mbuan mong iek. Njauk caik hatai cakak klaak dhal lamin, dhal thu, khik veik dom dhal khang kadang piah daong ka phun pataom pren raong dhal khang karei.

Ilamu papaok baoh

Piah ka baoh darum Đài Loan prong mekre oh njauk balang kayua pandiak mbang saong pacang caga hu aruai kanjik katam mbang baoh ye tuk baoh hu jaik 2 harei ye khaol drei pandar túi xốp lapih mbao baoh veik gah dalam saong kadung nilon gah langiu piah me-aom baoh veik hadei di tuk mbao hadei di 2 bilan ye meda paik baoh hu./.

Urang lang: Jasi – 23/12