

Ong Nguyễn Văn Gia, urang ngak sara di xa Tam An, huyen Long Đất brei thau, bruk ngak sara rilo meng lac pambak tame langik, langik pandiak khang ye mbuan tabiak rilo asar sara. Sara hu kuac mek meng akaok bilan tal puac bilan 5 ye abih saong meyah pablei hu yaom meng 1 – 1,2 trieu dong/tan ye urang ngak sara hu jien laba.
Thun 2025, akaok bilan ngak sara, langik lagaih, urang ngak sara chreih chrai, min tal puac bilan ngak sara ye langik oh daok lagaih. Jaik 2 bilan mai ini, pandiak takik saong hajan karei bilan ngak ka hamu sara dauk dalam ia, oh ngak jeng sara nan urang ngak sara brei salah blaoh bilan sara samar drah jang dut haong yaok thun, sara ngak hu trun meteh. Bilan ini sara takik min yaom sara tok tagok ha sit, jien mek tame oh tal piah pabak ka jien buh tabiak, oh karo tani tanat. Urak ini rilo urang ngak sara dlaam bhum daok kuhria tal bruk salih bruk ini: “Bruk ngak sara ini meyah hu phun jien, langik lagaih, ngak tabiak hu rilo sara ye tok khin 1 thun min lac mek gilac hu taong abih phun jien. Urak ini langik oh lagaih, yaom kaom oh tani tanat ye 2-3 thun ka meng mek gilac hu phun jien. Dahlak hulin ngak sara rilo thun nan dahlak mboh lac, urak ini bruk palei pala ngak nong tagok jeng ban praong ban sit daok hu ngak biak samar drah, rilo urang ngak sara oh daok tekre haong bruk ngak ini, nan urak ini hu biak rilo urang pablei abih taneh riya piah salih bruk ngak mbang. Tui dahlak hulin, karja quy hoach labik ini brei caik meng 50 – 100 ha piah khik bruk ngak meng kal.”

Bruk ngak sara gam pambak tame langik blaoh langik ye dak harei dak oh lagaih, gam haong yaom pablei sara oh daok lagaih, ngak ka urang ngak sara oh daok chreih mekre ngak bruk ini, taneh ngak sara di Ba Ria – Vung Tau dak harei dak daok sit jang.
Tui kuhria, thun 2018 Ba Ria – Vung Tau hu labaih 800 ha taneh hamu ngak sara, min tal urak ini taneh ngak sara daok tok 500 ha. Gam tui taneh ngak sara daok gilac, sarak ngak tabiak yaok thun di Ba Ria – Vung Tau hu 50.000 tan, dalam nan bruk ngak sara lang meng khan tamra hu labaih 10.000 tan.
Tui So Ngak nong saong Alam langik tinh Ba Ria – Vung Tau, sara di bhum palei rilo meng lac hu pablei di dom tinh Bhum taneran kraong Cuu Long, dalam nan hu labaih 45% sara hu pablei di dom labik ngak ia mesin di Phú Quốc, tinh Kien Giang.
Ong Ngô Phương Hiền, di huyen Long Đất brei thau, urang ngak sara caong khin hu tinh daong piah khik hu bruk ngak sara yau meng kal ini: " Thun anak tal caong takre jien mek tame meng ngak sara brei glaong jang kayua thun ini ngak oh hu jak jeng. Urang ngak sara caong khin karja hu sarak daong piah urang ngak sara ngak harak ba angan je sara Ba Ria – Vung Tau hu pablei tabiak rilo labik jang. Brei daong dom hagait ka nyu biak lagaih piah daong prein ka mikva ngak sara sahnang hatai ngak bruk, pabak hatai bui sambai ka rahra."

Tui gah Ngak nong tinh Ba Ria – Vung Tau, piah tani tanat bruk pablei tabiak saong paglaong yaom kaom asar sara, tinh daok kham merat daong yaih khan, parang ndap nda hu angan “sara Ba Ria” di dom mbang nyaom pataom darak pasar dalam saong langiu tinh. Gah ngak nong ini jeng padang ka urang ngak sara, labik ngak sara dalam bhum hu nao jirah rivang, bac megru dom bruk ngak naih gheih di yaok tinh, ban hu taneh ngak sara praong. Gam saong di nan, tinh ngak jeng dom labik pataom blei sara dalam bhum, meng nan pasang iek asar siam sara, brei kein lagaih ka gah ngak mbang pablei salih, urang ikak kaiy pataom blei saong yaih khan angan je sara Ba Ria – Vung Tau.
Viết bình luận